Бунда тўрт нафар мураббий танлаб олингани ҳақида хабар бергандик. Булар - Руи Виториа ("Ал Насср", Саудия Арабистони), Владан Милойевич ("Ал Аҳли", Саудия Арабистони), Яҳё Гулмуҳаммади ("Персеполис", Эрон) ҳамда Шота Арвеладзе ("Пахтакор", Ўзбекистон).

Сўровнома якунларига кўра, ОЧЛ финалига чиққан "Персеполис" бош мураббийи Яҳё Гулмуҳаммади 52,45 фоиз овоз тўплаб биринчи бўлди. Мусобақанинг чорак финалига қадар етиб борган "Пахтакор" устози Шота Арвеладзе 41,39 фоиз билан иккинчи ўринни банд этди.

Руи Виториа 5,18 фоиз овоз тўплаган бўлса, Владан Милойевич 0,98 фоиз билан охирги бўлди. Шуни айтиш мумкинки, эронликлар иштирок этадиган сўровномаларда биринчи бўлиш жуда имконсиз. Лекин Шота Арвеладзенинг 41,39 фоиз овоз тўплагани таҳсинга лойиқ.

ОФК сўровномаси тугади. Арвеладзе иккинчи бўлди