Қуйида Қатар ўз жамоасини қай тариқа таништиргани ҳақида маълумот берамиз. Мусобақани ёритиб бориш мақсадида Доҳага келган ОАВ учун Қатар олимпия терма жамоаси ҳақида батафсил маълумот берувчи махсус журнал чиқарилган.

Учинчи саҳифада Қатар футбол федерацияси президенти Ҳамад Бин Ҳалифа Бин Аҳмад Ал-Тани ҳақида маълумот берилган.

4-5 саҳифаларда Қатар олимпия терма жамоаси ҳақида маълумот берилган.

6-7 саҳифаларда 2014 йил Мянмадаги U-19 Осиё чемпионатида чемпион бўлган Қатар ёшлар терма жамоаси ҳақида ёзилган.

8-9 саҳифаларда терма жамоанинг тайёргарлик жараёнига тўхталиб ўтилган.

10-11 саҳифалар терма жамоа сардори ва етакчиси Абдулкарим Ҳассанга бағишланган. Эсингизда бўлса, айнан мана шу футболчи ўтган мавсум “Ал-Садд” таркибида ОЧЛ баҳсида “Локомотив”га қарши Доҳада кечган ўйинда Маъмур Икромов қўриқлаган дарвозани чамаси 40 метрлардан аниқ нишонга олган эди.

12-13 саҳифаларда Қатар олимпия терма жамоаси ярим ҳимоячиси Аҳмад Моен ҳақида маълумот келтирилган.

14-15 саҳифаларда жамоа ҳужумчиси Акрам Афиф ҳақида сўз боради.

16-17 саҳифаларда Қатар олимпия терма жамоаси бош мураббийи испаниялик Феликс Санчес ҳақидаги маълумотлар билан тўлдирилган.

18-19 саҳифаларда U-23 Осиё чемпионатининг тўлиқ тақвими билан танишишингиз мумкин.

20-21 ва 22-23 саҳифаларда ўйинлар ўтказиладиган тўртта стадион ҳақида маълумотга эга бўлишингиз мумкин.

24-25 саҳифаларда 2022 йил Қатарда бўлиб ўтадиган Жаҳон чемпионати учун қуриладиган янги стадион лойиҳасининг сурати жой олган.

26-27 саҳифаларда Қатар олимпия терма жамоаси таркибидаги ўйинчилар ҳақидаги маълумотлар келтириб ўтилган.

Толибжон Қосимов
Доҳа, Қатар

ОФК U23: Қатар ўз терма жамоасини қандай таништирди?