Ўзбекистон ўсмирлар ва ёшлар терма жамоаларининг асосини бунёдкорчилар ташкил этишмоқда. Асосий таркибимизнинг аксарият қисмини футбол мактабимизда тарбия топган футболчилар ташкил этишмоқда. Натижада улар нафақат юртимиздаги мутахассислар, балки қитъамиз футболи мутасаддиларининг эътирофига сабабчи бўлишмоқда. Мисол тариқасида, 2015 йил якунларига кўра, қитъамизнинг энг яхши ёш футболчиси номинациясининг якуний рўйхатини айнан “Бунёдкор” вакиллари банд этишганини эслаш кифоя. Якунда соврин Достонбек Ҳамдамовга насиб этганди.

11 февраль, пайшанба куни “Бунёдкор” стадионида ОФК вакиллари томонидан ўзбекистонлик ёш футболчиларга тўп топшириш маросими бўлиб ўтди. ОФК Ижтимоий масъулият қўмитаси раиси ўринбосари, ЎФФ Биринчи вице-президенти Сардор Раҳматуллаев, ОФК Ижтимоий масъулит бўлими бошлиғи доктор Анна Турай жаҳонда болалар-ўсмирлар футболини истиқболли ривожлантириш ва юртимизда давлатимиз раҳбарлари томонидан қаратилаётган эътиборни алоҳида таъкидлашди.

ОФК вакиллари Тошкентнинг “Бунёдкор” ва “Спартак” футбол мактаби тарбияланувчиларига махсус тўпларни топширишди. Ёш болакайлар қабул қилиб олинган тўпларни “Бунёдкор” стадиони асосий майдонида синаб кўришди.

Эътиборингизга ФОТОЖАМЛАНМА ва видеолавҳани тақдим этамиз.

ОФК вакиллари “Бунёдкор” тарбияланувчиларига тўплар топширди. ФОТО+ВИДЕО