Биринчи қисмда якунига етган йилнинг январь - июнь ойларида рўй берган муҳим воқеаларга тўхталгандик. Қуйида июль - декабрь орасида Осиё футболида муҳим из қолдирган воқеаларни келтириб ўтамиз.

Июль
- Жаҳон чемпионатида иштирок этган Япония терма жамоаси гуруҳдан чиқишни уддалади. Японлар мусобақанинг 1/8 финалида Бельгияга 2:3 ҳисобида имкониятни бой беришди.

Август
- Эроннинг "Мес Сунгун" футзал клуби клублар ўртасидаги Осиё чемпионатида ғолибликни қўлга киритди.
- Францияда ўтказилган аёллар футболи бўйича U-20 жаҳон чемпионатида Япония чемпион бўлди.
- Япония аёллар терма жамоаси Осиё ўйинларида чемпионликни нишонлади.

Сентябрь
- Жанубий Корея олимпия терма жамоаси Осиё ўйинларида зафар қучди. Мусобақа финалида Япония 2:1 ҳисобида мағлуб этилди.
- Малайзияда ўтказилган U-16 Осиё чемпионатида Япония ғолибликни қўлга киритди.

Октябрь
- ФИФА президенти Жанни Инфантино Малайзияга ташриф буюриб ОФК янги биноси билан танишди.
- U-19 Осиё чемпионатида Саудия Арабистони чемпионликни нишонлади. Финалда Жанубий Корея 2:1 ҳисобида мағлуб этилди.
- Ироқнинг "Эйр Форс" клуби ОФК Кубогини қўлга киритди. Бу жамоа финалда Туркманистоннинг "Олтин Аср" клубидан устун келди.

Ноябрь
- Япониянинг "Кашима Антлерс" клуби ўз тарихида биринчи марта Осиё чемпионлар лигасида зафар қучди. Финалда "Персеполис" мағлуб этилди.
- Уммон пойтахти Мускатда ОФК "Йилнинг энг яхшиларини тақдирлаш" маросимини ўтказди.

Декабрь
- Клублар ўртасидаги жаҳон чемпионатида қатнашган "Ал Айн" ўзидан ижобий таассурот қолдирди. Бу жамоа тарихда биринчи марта финалда ўйнашга муваффақ бўлди.

ОФКдан 2018 йил якунлари (июль - декабрь)