"De Telegraaf"нинг хабар беришича, клублар хавбекнинг трансферини 20 млн еврога келишган, аммо кейин "Аякс" раҳбарияти бу суммани кўпроқ деб ҳисоблаган. Шунингдек, клуб Окампоснинг ўзига ҳам у қадар катта маош тўлаш ниятида эмас. Шу сабабли "Аякс" бугун тонгда трансфердан воз кечди.

"Аякс"даги манбаларнинг хабар беришича, футболчи Амстердамга тиббий кўрикдан ўтиш учун етиб келиб улгурган, лекин музокаралардаги ўзгаришдан хабар топгач, Севильяга қайтиб кетган.

Бу вазият "Аякс" устози Алфред Схройдер учун ҳам кутилмаган зарба бўлди. Мутахассис Антонининг "Манчестер Юнайтед"га трансферига қарши эди ва клуб қароридан қаттиқ норози бўлди. Окампос бразилиялик футболчига сифатли ўринбосар бўларди.

Кейин эса "Севилья" Окампосни арзонроққа сотишга тайёрлиги, сабаби испанларга Аднан Янузай трансфери учун пул кераклиги маълум бўлди. Натижада, "Севилья" "Аякс"га Окампосни 15 млн еврога сотиб олишни таклиф қилди.

Яқин соатлар ичида "Аякс" раҳбариятининг бу масаладаги якуний қарори маълум бўлади.

Ўтган мавсум Окампос 42 ўйинда 9 гол уриб, 6 та самарали узатма берди. Бу мавсум Лукас Ла Лиганинг уч ўйинида майдонга тушди ва самарали ҳаракатлар қайд этмади.

Окампос тиббий кўрикка етиб келган бўлсада, "Аякс" 20 млн евро тўлаш ниятида эмас