Сўнгги йилларда икки мамлакат ўртасида ўзаро ҳамкорликлар жадаллашиб, жуда ҳам илиқ муносабатлар ўрнатилмоқда. Ҳамжиҳатликнинг амалий кўринишини спортнинг футбол соҳасида ҳам амалга ошириш мақсадида Ош шаҳридаги Асилбек Момунов номидаги футбол академияси ва ОКМК футбол клуби ўртасида ҳамкорлик ўрнатилди. Яқиндагина бу икки томон Олмалиқ шаҳрида норасмий учрашув ўтказишган эди. Асилбек Момунов номидаги футбол академияси раҳбарияти таклифига кўра, вакилларимиз 2-3 август кублари Ош шаҳрида бўлишди.

Бугун куннинг биринчи ярмида ОКМК ва А.Момунов футбол академияларинибг У-17 тарбияланувчилари ўртасида халқаро ўртоқлик учрашуви бўлиб ўтди. Қизиқарли кечган баҳсда ОКМК тарбияланувчилари Қирғиз Республикасидаги тенгқурларидан 4:2 ҳисобида устун келишди.

Халқаро учрашувдан кейин иккала томон раҳбарияти ўртасида расмий учрашув ташкил қилиниб, унда узоқ йиллик ҳамкорлик учун меморандум имзоланди. Унда ОКМК ФК бош директори Баҳодир Мирзаев ва бош директорнинг болалар ва ўсмирлар футболи бўйича ўринбосари Денис Хомутов, Асилбек Момунов номидаги футбол академияси директори Тимур Абдуллаев ва академиянинг австриялик техник директори Искандер Изчақар, шунингдек иккала томоннинг бошқа вакиллари иштирок этишди.

Ўйлаймизки, имзоланган меморандум узоқ йиллар давомида бу қордош мамлакатлар ҳамкорликлари доирасида, хусусан футболида ҳам ҳамкорлик лойиҳаларини янги босқичга олиб чиқади.

ОКМК ФК ва Қирғиз Республикаси академияси ўртасида меморандум имзоланди