Маълум бўлишича, футболчи клуб билан шартномани бекор қилди. Хўш, нима сабабдан бекор қилгани борасида Каримов фикрларига қулоқ тутдик.

“Хабарингиз бор, мен “Аизавл” клуби билан декабрь ойида шартнома имзолагандим. Бироқ виза ололмагани учун ҳам шартномани бекор қилдим. Клуб виза олишим учун барча керакли ҳужжатларни юборди. Бироқ Ҳиндистон элчихонаси менга виза олишим учун рад жавобини беришди. Сабабини ҳам тушунтиришганича йўқ. Қисқаси, виза ололмаслигим аниқ бўлганидан сўнг шартномани келишган ҳолда бекор қилдик.
Ҳозирча уйдаман ва ўзим якка тартибда шуғулланиб турибман. Ўтган мавсум якунида “Хўжанд” менга таклиф билан чиққан ва шартнома муддатини узайтиришни таклиф қилганди. Бироқ мен Ҳиндистон клуби билан келишувга эришиб қўйганим сабабли, таклифини рад этгандим. Кўрамиз, мавсумни қайси жамоада бошлайман, буни тез орада билиб оламан”, - дея сўзини якунлади Каримов.

Олимжон Каримовнинг Ҳиндистон клуби билан шартнома бекор қилганига нима сабаб бўлди?