Бугун Бекободнинг "Металлург" клуби ҳақида маълумот берамиз.

Мавсум
Клуб мавсумни ўз майдонида "Локомотив" билан дуранг билан бошлади ва дастлабки учта турда умуман мағлуб бўлмади. 8-турга келиб жамоа 13-ўринга тушиб кетди. Кейин Қаршида "Насаф" таслим қилинди, ўз майдонида "Андижон" тор-мор этилди - 5:1. Давра охирида "Металлург" 7-поғонани банд этишди. Чемпионат сўнггида эса Бекобод клуби худди ўтган йилдаги каби 9-ўринни эгаллади.

Мураббийлар
Жамоанинг узоқ йиллик устози Рустам Мирсодиқов 23-турга қадар бош мураббийлик қилди. "Пахтакор" билан ўйиндан сўнг ЎФФ тажрибали мураббийнинг лицензиясини қайтариб олди. Мавсум охиригача жамоани Шавкат Саидов бошқарди.

Етакчи
Охирги йилларда "Металлург" деганда Ҳикмат Ҳошимов кўз олдимизга келадиган бўлиб қолди. Тажрибали ҳимоячи бу йил ҳам жамоанинг асосий футболчиси бўлди. Ҳошимов 2015 йилги олий лигада барча ўйинларда тўлиқ ўйнаган икки футболчидан бири бўлди. У 30та ўйиннинг барчасида тўлиқ (2700 дақиқа) ҳаракат қилди. Ҳикмат Ҳошимов кейинги йил ҳам "Металлург"да ёшларга бош бўлиши кутилмоқда.

Кашфиёт
Саиджон Абдужабборов. 1992 йилда туғилган ярим ҳимоячи ўтган йил олий лигада фақат битта ўйинда иштирок этганди. Бу йил эса 24та ўйинда майдонга тушиб рақиблар дарвозасига 7та гол уришга муваффақ бўлди. "Қўқон-1912" ва "Олмалиқ"қа қарши ўйинларда дублга эришган футболчи нафақат клуб сафида балки олий лиганинг ўзида ҳам кашфиётлардан бири бўлди.

Энг яхши ўйин
"Металлург" - "Андижон" 5:1
Бекобод клуби мавсумдаги энг йирик ғалабани "Андижон" билан ўйинда қўлга киритди. 10-турдан ўрин олган учрашувда Муроджон Тошматов ва Шаҳзодбек Нурматов дублга эришганди. "Бургутлар" дарвозасига киритилган яна бир тўпга Саиджон Абдужабборов муаллифлик қилган. "Андижон" сафида Лочин Солиев пенальтидан ягона жавоб голини урганди - 5:1.

Энг яхши футболчи
Шаҳзодбек Нурматов. Кейинги йилни бошқа клубда ўтказиши мумкин бўлган ҳужумчи сўнгги йилларда мунтазам равишда "Металлург"нинг тўпурари бўлиб келмоқда. Бу йил Нурматов 26та ўйинда майдонга тушиб 10та гол уришга эришди. Ҳужумчи "Андижон", "Қизилқум" ва "Навбаҳор"га қарши баҳсларда дублга эришди.

Ким қанча ўйнади?

Футболчи	Амплуа	Туғ.сана	Ўйин	Дақиқа	Гол	СК	ҚК
Ҳошимов Ҳикмат	Ҳим	12.11.1979	30	2700	0	1	0
Одилов Дониёр	Ҳим	16.02.1989	28	2312	0	6	1
Каримқулов Даврон	Ҳим	13.03.1981	27	2423	0	2	0
Тошматов Муроджон	Ҳим	21.06.1991	27	2105	4	2	0
Сулаймонов Мирғиёс	Яҳм	02.01.1991	26	2334	2	10	0
Нурматов Шаҳзодбек	Ҳуж	18.09.1991	26	2221	10	3	0
Зиёвуддинов Алишер	Яҳм	27.06.1992	26	1443	2	4	0
Вагапов Руслан	Яҳм	22.01.1980	24	1990	3	4	0
Абдужабборов Саиджон	Яҳм	08.07.1992	24	1775	7	3	0
Каримов Дилмурод	Яҳм	27.06.1989	23	1310	3	8	0
Нўъмонов Аюбхон	Ҳуж	22.07.1991	21	1819	7	6	0
Мирабдуллаев Жавлон	Ҳим	19.03.1994	20	1735	0	8	0
Сафоев Зафар	Дар	24.06.1991	17	1530	0	0	0
Ковалев Александр	Ҳим	24.09.1986	16	1069	0	1	0
Норбеков Шохназар	Ҳуж	18.07.1994	16	833	2	2	0
Султонов Сухроб	Дар	26.03.1990	13	1170	0	0	0
Абдуллаев Зоҳид	Ҳуж	25.05.1984	11	235	1	1	0
Акбаров Миртўра	Ҳуж	30.09.1989	9	256	1	0	0
Расулов Сардор	Ҳуж	05.09.1989	9	244	1	0	0
Эсонов Нозимжон	Ҳим	23.02.1987	3	187	0	0	0

Изоҳ:
* - биринчи даврадан сўнг жамоани тарк этганлар.
** - иккинчи даврада жамоага келганлар

"Металлург-2015" мавсум статистикаси

Ўйинлар	30
Голлар	44
Уйдаги голлар	27 (61,36%)
Меҳмондаги голлар	17 (38,64%)
Ўтказилган голлар	38
Уйда ўтказилган голлар	21 (55,26%)
Меҳмонда ўтказилган голлар	17 (44,74%)
Ўртача гол	1,47
Ўртача ўтказилган гол	1,27
Уйдаги очколар	22/45 (48,89 %)
Меҳмондаги очколар	14/45 (31,11 %)
Энг йирик ғалаба	5:1 - "Андижон"
Энг йирик мағлубият	2:3 - "Навбаҳор", "Пахтакор"
"Қуруқ" ўйинлар	7 (23,33%)
Гол ура олмаган ўйинлар	7 (23,33%)
Иродаги ғалаба	1
Йирик ғалабалар	3
Йирик мағлубиятлар	0
Автогол (урилган/ўтказилган)	1/0
Огоҳлантиришлар (ўртача)	61 (2,03)
Четлатишлар (ўртача)	1 (0,03)
Майдонга тушганлар (легионер)	20 (0 - 0%)
Томошабинлар (жами/ўртача)	81355/2712

Олий лига-2015 якунлари. "Пахтакор" ҳақида

Олий лига-2015 якунлари. "Локомотив" ҳақида

Олий лига-2015 якунлари. "Насаф" ҳақида

Олий лига-2015 якунлари. "Бунёдкор" ҳақида

Олий лига-2015 якунлари. "Нефтчи" ҳақида

Олий лига-2015 якунлари. "Олмалиқ" ҳақида

Олий лига-2015 якунлари. "Машъал" ҳақида

Олий лига-2015 якунлари. "Навбаҳор" ҳақида

Нарзулла Сайдуллаев

Олий лига-2015 якунлари. "Металлург" ҳақида