Бугун чемпионатда 6-ўринни банд этган "Олмалиқ" ҳақида сўз юритамиз.

Мавсум
"Олмалиқ" чемпионат стартини ажойиб бошлаганди. Илк турда амалдаги чемпион "Пахтакор" билан Тошкентда дуранг қайд этилган. Кейин "Насаф" ва "Андижон" мағлуб этилган. Шу тариқа жамоа 3-турдан сўнг пешқадам бўлиб олганди. Бироқ кейин мағлубиятлар, очко йўқотишлар бошланди. Ёзги танаффусга жамоа 6-ўринда чиқиб кетди. Иккинчи даврада "Олмалиқ" кучли рақибларни енга олмади, фақат "Бунёдкор" ва "Нефтчи" билан дуранг ўйнади. Ўзидан пастдаги жамоаларни таслим қилиб очколар жамғарган жамоа мавсумни ҳам айнан 6-ўринда тугатди.

Мураббий
Игорь Шквирин "Олмалиқ" мураббийи сифатидаги саккизинчи мавсумини ўтказди. Мураббий бу йил бир қатор тажрибали ва ёш футболчиларни жамоага жалб қилди. Статистикага мурожаат қилсак Шквирин захирадан майдонга туширган 9 нафар футболчи гол уришга эришди. Бу унинг захирадан қанчалик унумли фойдалана олишидан дарак беради.

Етакчи
Арслонмурод Омонов
Туркманистонлик легионер бир мавсумнинг ўзида жамоада еткачи бўла олди. Универсал футболчи қанотларда ҳам, марказда ҳам ўйнай олади. У Ўзбекистон чемпионатидаги дебют мавсумида 5та гол урди ва 10га яқин голли пас оширди. Агар 25 ёшли футболчи кейинги йил ҳам "Олмалиқ"да ўйнаса янада яхшироқ ўйнаши мумкин.

Кашфиёт
Дониёр Исмоилов
1994 йилда туғилган ҳужумчи бу йил олий лигада дебют қилди. Дебют ажойиб бўлган. Ғузорда "Шўртан" билан ўйиннинг 87-дақиқасида ҳисоб мезбонлар фойдасига 3:2 бўлиб турганида Исомилов захирадан майдонга тушган. Ҳакам томонидан қўшиб берилган дақиқада 21 ёшли Дониёр олий лигадаги илк ўйинида ўзининг дастлабки голини уриб "Олмалиқ"ни мағлубиятдан қутқариб қолганди. Сўнгги турда "Динамо"га қарши учрашувда иккинчи бўлим бошида майдонга тушган футболчи 90+3-дақиқада тўп киритиб "Олмалиқ"ни мағлубиятдан қутқариб қолди.

Энг яхши ўйин
"Олмалиқ" - "Насаф" 2:0
Олий лиганинг 2-турида Рўзиқул Бердиев бошчилигидаги "Насаф" клуби "Олмалиқ" клуби меҳмони бўлганди. Ўшанда қаршиликлар ОЧЛда учта ва олий лигада битта ўйинда иштирок этиб бўлишганди. "Олмалиқ" эса фақат битта учрашув ўтказганди. Шунга қарамай Шквирин бошчилигидаги жамоа "аждарлар"ни 2:0 ҳисобида таслим қилишга эришганди.

Энг яхши футболчи
Шавкат Саломов

Ярим ҳимоячи "Олмалиқ"да ажойиб ўйин намойиш эта олди. Футболчи 28та ўйинда 8та гол урди ва 10дан ортиқ голли пас оширди. У "Бухоро" билан баҳсда дублга эришди. Мавсум давомида кетма-кет тўртта ўйинда майдонни голсиз тарк этмади. Сербиялик легионер Неманья Йованович ҳам яхши номига лойиқ эди. Бироқ у биринчи даврада атига 2та гол урди. Фақат 18-турдан сўнг кетма-кет голлар урди ва 9та гол билан жамоа тўпурарига айланди.

Ким қанча ўйнади?

Футболчи	Амп	Туғ.сана	Ўйин	Дақиқа	Гол	СК	ҚК
Омонов Арслонмурод	Яҳм	28.03.1990	30	1699	5	3	0
Саломов Шавкат	Яҳм	13.11.1985	28	2462	8	8	0
Йованович Неманья	Ҳуж	03.03.1984	28	2380	9	6	0
Иномов Ислом	Ҳим	30.05.1984	27	2347	2	7	0
Қутибоев Саламат	Яҳм	21.05.1986	27	2183	5	8	0
Гоголь Евгений	Ҳим	20.01.1986	26	2210	2	5	3
Пиримов Зоҳир	Яҳм	06.03.1990	24	1580	2	0	0
Абдумўминов Жаҳонгир	Ҳуж	09.02.1993	24	1509	4	7	0
Павленко Никита	Яҳм	25.02.1994	24	1381	3	1	0
Ўрунов Ғулом	Яҳм	07.06.1989	23	1092	2	1	0
Жўраев Саҳоб	Ҳим	19.01.1987	21	1385	0	5	1
Хонимқулов Умид	Дар	17.08.1982	17	1501	0	1	0
Кашкавал Адриан	Ҳим	10.06.1987	15	1350	2	1	0
Хожиакбаров Абдуқаҳҳор	Ҳим	18.07.1989	15	1144	0	5	0
Туропов Диёр	Яҳм	09.07.1994	15	1029	1	4	0
Акбаров Саидкомил	Ҳим	30.12.1982	13	1170	0	1	0
Мурзоев Камолиддин*	Ҳуж	17.02.1987	12	696	3	1	1
Жўрабоев Обид**	Ҳим	17.02.1986	9	528	0	3	0
Шоғуломов Алишер**	Ҳуж	06.02.1994	9	257	1	3	0
Фомичев Валерий**	Дар	23.02.1988	8	655	0	0	1
Исмоилов Дониёр	Ҳуж	14.02.1994	7	220	3	1	0
Ғаниев Тимур	Дар	27.01.1984	5	450	0	1	0
Исроилов Азамат	Ҳим	29.10.1991	5	73	0	1	0
Исоқжонов Исломбек*	Ҳуж	29.04.1993	3	72	0	1	0
Исаев Муҳаммад	Яҳм	01.09.1994	2	31	0	0	0
Шквирин Никита	Дар	23.06.1991	1	90	0	0	0

Изоҳ:
* - биринчи даврадан сўнг жамоани тарк этганлар.
** - иккинчи даврада жамоага келганлар

"Олмалиқ-2015" мавсум статистикаси

Ўйинлар	30
Голлар	53
Уйдаги голлар	31 (58,49%)
Меҳмондаги голлар	22 (41,51%)
Ўтказилган голлар	49
Уйда ўтказилган голлар	19 (38,78%)
Меҳмонда ўтказилган голлар	30 (61,22%)
Ўртача гол	1,77
Ўртача ўтказилган гол	1,63
Уйдаги очколар	31/45 (68,89 %)
Меҳмондаги очколар	13/45 (28,89 %)
Энг йирик ғалаба	4:0 - "Бухоро"
Энг йирик мағлубият	1:4 - "Локомотив"
"Қуруқ" ўйинлар	5 (16,67%)
Гол ура олмаган ўйинлар	3 (10%)
Иродаги ғалаба	2
Йирик ғалабалар	2
Йирик мағлубиятлар	1
Автогол (урилган/ўтказилган)	1/1
Огоҳлантиришлар (ўртача)	74 (2,47)
Четлатишлар (ўртача)	6 (0,2)
Майдонга тушганлар (легионер)	26 (5 - 19,23%)
Томошабинлар (жами/ўртача)	134577 / 4486

Олий лига-2015 якунлари. "Пахтакор" ҳақида

Олий лига-2015 якунлари. "Локомотив" ҳақида

Олий лига-2015 якунлари. "Насаф" ҳақида

Олий лига-2015 якунлари. "Бунёдкор" ҳақида

Олий лига-2015 якунлари. "Нефтчи" ҳақида

Нарзулла Сайдуллаев

Олий лига-2015 якунлари. "Олмалиқ" ҳақида