Кеча сайтимизда дарвозасига энг кўп ва энг кам пенальти белгиланган клублар ҳақида маълумот тақдим этгандик. Бу ўқувчиларимиз талаб ва истакларига биноан энг кўп ва энг кам пенальти тепган жамоалар ҳақида маълумот берамиз.

Демак, 2017 йилги олий лигада қатнашган 16та клубдан 15таси камида 1тадан пенальти тепиш ҳуқуқини қўлга киритди.

Фақат Самарқанднинг "Динамо" клуби мавсум давомида умуман пенальти тепгани йўқ. "Обод" ҳисобида 1та пенальти бор. Қизиғи ўша пенальтидан сўнг гол бўлмаган.

Олий лига чемпиони "Локомотив" клуби пенальти тепиш бўйича ҳам чемпион бўлди. "Темирйўлчилар" мавсум давомида 9 марта пенальти тепишди ва уларнинг барчаси голга айлантирилди.

Пенальтидан унумли фойдаланиш кўрсаткичи энг паст клуб бу "Обод" ҳисобланади - 0 фоиз. Ундан кейин эса 25 фоиз қайд этган "Металлург" ва "Шўртан" клублари жой олишган. Бу икки клуб 4тадан пенальтига эга бўлиб фақат 1 мартадан гол уришган холос.

Ўқувчиларимиз ўзларига қизиқ бўлган статистикаларни ёзиб қолдиришлари мумкин. Биздан шундай статистика бўлса албатта сайтда чоп этилади.

Олий лига-2017. "Динамо" умуман пенальти тепмаган ягона клуб