Дарвозабон
Санжар Қувватов "Насаф"

Дарвозага "Насаф" посбони Санжар Қувватовни қўйишга қарор қилдик. Сабаби "Бухоро" билан турнинг марказий ўйинида Қувватов ўз дарвозаси даҳлсизлигини сақлаб қола олди.

Ҳимоячилар
Муроджон Тошматов "Металлург"
Қаҳрамон Баҳодиров "Сўғдиёна"
Акмал Шораҳмедов "Бунёдкор"

"Металлург" вакили Муроджон Тошматов "Пахтакор" билан баҳсда жуда фаол ўйнади. Айнан у учрашувдаги ҳисобни очди. Бундан ташқари иккинчи гол урилишида Тошматов голли пас берди.

"Сўғдиёна" ҳимоячиси Қаҳрамон Баҳодиров "Андижон" билан ўйинда захирадан майдонга тушиб қаҳрамонга айланди. Футболчи захирадан ўйинга қўшилганига 2 дақиқа ҳам бўлмай рақиб дарвозасини ишғол қилди, якунда айнан унинг голи "Сўғдиёна"га ғалаба келтирди.

"Бунёдкор" сардори Акмал Шораҳмедов "Обод" билан ўйинда яхши ўйнади. Ўз қанотда ҳимояда ишларини бажаришдан ташқари ҳужумга ҳам ўтиб турди. Айнан унинг пасидан кейин Сато Минори гол уришга эришди.

Ярим ҳимоячилар
Мирзакамол Камолов "Машъал"
Огнен Красич "Насаф"
Сато Минори "Бунёдкор"
Жавоҳир Эсонқулов "Металлург"

"Машъал" ярим ҳимоячиси Мирзакамол Камолов давралар оралиғида клуб сафига қўшилганди. Футболчи "Нефтчи" билан ўйинда Ҳумоюн Муртазоев ва Кенжа Тўраевга голли паслар берди.

"Насаф" таркибига ёзда келиб қўшилган сербиялик ярим ҳимоячи Огнен Красич жамоа ўйинига тезда қўшилиб кета олди. Футболчи "Бухоро" билан ўйинда жамоадошларига учта голли пас бериб 21-тур қаҳрамонларидан бирига айланди.

Рамзий терма жамоадаги яна бир легионер футболчи "Бунёдкор"нинг япониялик ярим ҳимоячиси Сато Минори бўлди. Футболчи "Обод" билан ўйиннинг бошида пенальти ишлади, баҳс давомида ўзи ҳам гол уришга эришди.

"Металлург"нинг ёш футболчиси Жавоҳир Эсонқулов "Пахтакор" билан ўйинда жуда фаол ўйнади ва рақиб ҳимоячиларига тинчлик бермади. 1997 йилда туғилган футболчи ўз устида ишлашдан тўхатамас ҳали кўп рамзий терма жамоадан ўрин олади.

Ҳужумчилар
Темурхўжа Абдухолиқов "Локомотив"
Отабек Ҳайдаров "Қўқон-1912"
Шаҳбоз Эркинов "Насаф"

Олий лига тўпурари Темурхўжа Абдухолиқов "Шўртан" билан баҳсда гол ура олмади. Лекин жуда фаол бўлди ва иккита голга пас берди.

"Қўқон-1912" ҳужумчиси Отабек Ҳайдаров Навоийда "Қизилқум" дарвозасини ишғол қилиб жамоасини мағлубиятдан қутқариб қолди.

"Насаф"нинг рамзий терма жамоадан ўрин олган яна бир футболчиси бу Шаҳбоз Эркинов бўлди. Ўтган турда фаолиятидаги 100-голини уришга эришган ҳужумчи "Бухоро" билан ўйинда ҳам ўз ҳисобига гол ёзиб қўйди.

Олий лига. 21-тур рамзий терма жамоаси