Учрашувнинг 17-дақиқасида "Андижон" сал бўлмаса учрашувда ҳисобни очиши мумкин эди, Йовановичнинг бош билан йўллаган зарбасидан сўнг тўпни сўнгги паллада Ильдар Маматказин қайтариб юборди.

26-дақиқада Мақсуд Каримовнинг кетма-кет зарбаларидан сўнг тўп ҳимоячиларга тегиб қайтди. Якуний зарбадан сўнг эса Ходжаев ажойиб сейв намойиш этиб, тўпни майдон ташқарисига чиқариб юборди.

34-дақиқада Жавлон Гусейнов жарим зарбасини амалга оширди. У тўпни жарима майдони ичида турган Иброҳим Раҳимовга оширди. Аммо Раҳимов зарба беришда кечикди чоғи. Шу тариқа хавфли вазият самарасиз якунланди.

42-дақиқада Иброҳим Раҳимовнинг дарвоза томон йўллаган кучли зарбасидан сўнг Қувватов тўпни аранг майдон ташқарисига чиқариб юборди. Биринчи бўлимда ҳисоб очилмади.

Иккинчи бўлимда, аниқроғи 61-дақиқада майдон эгалари ҳужумчиси Азамат Алланиёзов ҳисобни очди - 1:0.

Учрашувнинг 77-дақиқасида ўнг қанотдан Дилшод Раҳматуллаевнинг ҳаволатиб узатиб берган тўпини Ильдар Маматказин боши билан дарвоза тўрига аниқ жойлаб қўйди - 2:0.

Орадан беш дақиқа ўтгач Баҳром Абдураҳимов ўнг қанотда жарима майдони ичида тўпни Мақсуд Каримовга қулай тарзда етказиб бергач, Каримов дарвозани аниқ нишонга олди - 3:0.

«Насаф» (Қарши) – «Андижон» (Андижон) 3:0
МАТНЛИ ТРАНСЛЯЦИЯ
28 апрель 2016. Қарши. "Марказий" стадион. 18:30
Ҳакамлар: Ш. Қосимов (Тошкент), Р. Серазетдинов (Тошкент), С. Еремеев (Тошкент), Э. Турсунов (Бухоро)
Назоратчи: С. Эрматов (Тошкент).

Голлар: Азамат Алланиёзов 61, - 1:0. Илдар Маматказин 77, - 2:0 (Дилшод Раҳматуллаев). Мақсуд Каримов 82, - 3:0 (Баҳром Абдураҳимов)

"Насаф": 35.Санжар Қувватов, 4.Мақсуд Каримов, 5.Илдар Маматказин, 7.Шуҳрат Муҳаммадиев, 10.Дилшод Раҳматуллаев, 17.Артур Геворкян, 18.Баҳром Абдураҳимов, 19.Деян Больевич, 21.Азамат Алланиёзов (16.Дилшод Хушбаков, 88) 23.Шерзод Аъзамов, 31.Сайдулло Раҳматов (27.Ислом Рашидхонов, 46).
Захира: 25.Элдорбек Суюнов, 8.Сирожиддин Қўзиев, 29.Акбар Муродов, 38.Дониёр Нарзуллаев, 42.Нажмиддин Нормуродов.

"Андижон": 46.Хуршид Хўжаев, 4.Азамат Исроилов, 5.Иқбол Бобохонов, 9.Отабек Валижонов, 13.Рустам Аъзамов (7.Алишер Шоғуломов, 65), 18.Фарҳодбек Бекмуродов, 21.Жавлон Гусейнов, 24.Иброҳим Раҳимов (11.Абдумалик Абдуллаев, 69), 26.Бахтиёр Қосимов, 84.Неманья Йованович, 89.Бобур Акбаров.
Захира: 1.Акмал Турсунбоев, 3.Даврон Турсунов, 6.Иброҳим Отахонов, 10.Анвар Бердиев, 77.Ғулом Ўрунов.

Огоҳлантиришлар: Иқбол Бобохонов 25, Фарҳод Бекмуротов 90.

Олий лига. 7-тур. "Насаф" ўз майдонида "Андижон"га жавобсиз 3та гол урди