Яна бир турдан сўнг ушбу чемпионатимиз якунланади. Ҳозирча чемпион жамоа номи аниқ эмас. Ҳаммаси сўнгги турда ҳал бўлади. Чемпионлик учун курашда "Пахтакор" ва "Локомотив" сўнгги дақиқагача кураш олиб боришади. Биз ҳозир бу ҳақида эмас. Балки чемпионатимизнинг тўртта гранд жамоаларининг ўзаро учрашувларидаги натижалари ҳақида тўхталмоқчимиз.

Олий лигамизнинг "Big 4" тоифасига кирувчи жамоалар сўнгги тўрт йилдан буён ўзгармай келмоқда. Булар "Пахтакор", "Локомотив", "Насаф" ҳамда "Бунёдкор" жамоалари. Ушбу жамоалар мавсум давомида ўзаро ўйинларда жами 6 маротаба куч синашишади. Ушбу учрашувларда қайси жамоа кўпроқ очко йиғишни уддалай олса одатда чемпионликка яқин келиши ҳеч кимга сир эмас. Бу йилги натижалар ҳам бу гаплар бежизга эмаслигини исботлаб турибди.

"Big 4" учрашувларида энг кўп очко жамғариш бўйича ҳам ҳозирга қадар чемпионлик пойгасида қувлашмачоқ ўйнаётган "Пахтакор" ва "Локомотив" жамоалари етакчи саналишади. Ушбу икки клуб бир хил равишда 12 очкодан жамғаришган.
"Пахтакор": "Локомотив" (2:1), "Бунёдкор" (1:0), "Насаф" (3:1), (0:1) жамоалари устидан ғалабага эришди.
"Локомотив": "Бунёдкор" (3:0), (0:1), "Насаф" (1:0), "Пахтакор" (2:1) жамоаларини мағлубиятга учратиб 12 очко ишлаб олган.

"Насаф" ҳамда "Бунёдкор" жамоаларида ҳам бир хил кўрсатиш қайд этилган. Ушбу жамоалар грандлар билан бўлган ўйинларда 5 очкодан ишлаб олишди.
"Насаф" биринчи даврада "Локомотив"ни (1:0) доғда қолдирган бўлса, "Бунёдкор" иккинчи даврада "Пахтакор" (2:0) устидан ғалабани тантана қилган. Ушбу жамоалар қолган иккитадан очкони ўзаро ўйинларда ҳар икки сафар ҳам дуранг (0:0), (0:0) ўйнашиб қўлга киритишган.

"Пахтакор" ва "Локомотив" жамоалари "Big 4"да 6тадан ўйин ўтказишди ва 4та ғалаба, 2тадан ўйинда мағлубиятга учрашди.

"Насаф" ҳамда "Бунёдкор" эса "Big 4"да 6тадан учрашув ўтказишди ва 1та ғалаба, 2тадан дуранг ва 3тадан ўйинда мағлубиятга учрашди.

Шаҳбоз Беғамов

Олий лига. "Big 4": "Пахтакор" ва "Локомотив" етакчи, "Насаф" ва "Бунёдкор"да эса биттадан ғалаба