Бу ўйинда ўқув-машғулот йиғинида иштирок этаётган 21 нафар футболчи иштирок этди. Қолган 9 футболчи Умид Хонимқулов, Никита Шквирин, Максим Криушев, Никита Павленко, Ислом Битўраев, Аббос Пўлатов, Азамат Абдуллаев, Тимур Эргашев, Дилшод Файзиевлар машғулот ўтказиш билан чекланишди.

Ўртоқлик мақомига эга бу баҳсда 2:1 ҳисобида "Бунёдкор" ғалаба қозонди. Биринчи таймда Зоҳир Пиримовга нисбатан ишлатилган қўполликдан сўнг, пенальти белгиланди. Бундан Рўзимбой Аҳмедов унумли фойдаланиб ҳисобни очди. Иккинчи таймда амалга оширилган ўзгаришлар жамоамиз ўйинини бироз сусайтирди. Рақибнинг ҳисобни тенглаштирувчи голи ҳам пенальтидан амалга оширилди. Жарима майдонида Баҳодир Насимовга нисбатан Евгений Кочнев қўполлик ишлатган деб топилди. Жабрланувчи пенальтини голга айлантирди. Ўйин якунланиш арафасида Баҳодир Насимов иккинчи марта Акмал Ортиқов қўриқлаган дарвозани ишғол этишга эришди. Ўйин шу натижа билан якун топди.

Бу ўйинда жамоамиз шарафини қуйидаги футболчилар ҳимоя этишди.
"Олмалиқ": Михаил Наумов, Раҳматилло Бердимуродов, Артём Филипосян, Эдуард Жевнеров, Абдуқаҳҳор Ҳожиакбаров, Ислом Иномов, Достон Абдураҳмонов, Азамат Исроилов, Зоҳир Пиримов, Мурод Ражабов, Рўзимбой Аҳмедов.
Захирадан майдонга тушганлар: Акмал Ортиқов, Евгений Кочнев, Саидкомил Акбаров, Достон Тошматов, Абдумалик Абдуллаев, Исломбек Исоқжонов, Дониёр Исмоилов, Диёр Туропов, Евгений Гоголь, Муҳаммад Исаев.

Жамоамизнинг навбатдаги назорат ўйини 13 январь куни Олмалиқ шаҳрида бўлиб ўтади. Шу куни олий лига дебютанти "Обод" спарринг рақиб вазифасини бажаради. Кўрикдан ўтаётган футболчилар кўплиги сабаб "Обод" билан икки ўйин ўтказилади. Биринчи учрашув 12:00да бошланса, иккинчи баҳс 14:00га белгиланган.

"Олмалиқ": "Бунёдкор"га ютқаздик, 13 январда "Обод" билан ўйнаймиз