Хабар бериб ўтганимиздек, олий лига дебютантига қарши иккита ўйин ташкил этилди. Биринчи учрашувда ҳар икки жамоа кучлироқ таркибни майдонга туширди. Ўйиннинг 17-дақиқасида Диёр Туропов ҳисобни очишга эришди. Орадан етти дақиқа ўтиб Жавлон Искандаров ўз дарвозасини ишғол этиб қўйди. Иккинчи таймнинг илк дақиқасида Рўзимбой Аҳмедов ҳисобни йирик кўринишга келтирди. 48-дақиқада Шохруз Норхонов ҳисобни биттага қисқартирди. 75-дақиқада Ислом Иномов майдондан четлатилди. Бу баҳсни жамоалар қуйидаги футболчилар билан ўтказишди.
"Олмалиқ": Никита Шквирин, Раҳматилло Бердимуродов, Артём Филипосян, Эдуард Жевнеров, Абдуқаҳҳор Ҳожиакбаров, Ислом Иномов, Достон Абдураҳмонов, Диёр Туропов, Абдумалик Абдуллаев, Зоҳир Пиримов, Рўзимбой Аҳмедов.
Захирадан майдонга тушганлар: Евгений Гоголь, Дониёр Исмоилов, Исломбек Исоқжонов, Мурод Ражабов.
"Обод": Даврон Тўраев, Жавлон Искандаров, Ғайрат Умиров, Шерзод Жалилов, Санжар Тўрақулов, Дониёр Ҳасанов, Шохруз Норхонов, Алишер Азизов, Ҳасан Асқаров, Жавоҳир Қаҳармонов, Вячеслав Пурак.
Захирадан майдонга тушганлар: Умид Ёрбеков, Мирзакамол Камолов, Шаҳзод Абдураҳимов, Абдулатиф Абдуқодиров, Арайк Бобоев, Фарҳод Намозов, Аҳрор Умаржонов.

Иккинчи учрашувда омад меҳмонларга кулиб боқди. 81-дақиқада Санжар Баратов томонидан урилган гол ягоналигича қолди. Бу баҳсда "Обод" сафида Дилшод Ҳамроев, Зоҳид Раупов, Шавкат Раҳматов, Азизбек Муротов, Суннат Абдуллажонов, Фаррух Шотурсунов, Абдураззоқ Жўраев, Сергей Рекун каби футболчилар майдонга тушишди. Бу ўйинда "Олмалиқ" шарафини қуйидаги футболчилар ҳимоя этишди.
"Олмалиқ": Умид Хонимқулов, Азамат Исроилов, Азизбек Суюнов, Азамат Абдуллаев, Аббос Пўлатов, Муҳаммад Исаев, Олим Убайхўжаев, Достон Тошматов, Нодир Камолов, Евгений Кочнев, Владислав Павловский.
Захирадан майдонга тушганлар: Михаил Наумов, Абдумалик Тошпўлатов, Дилшод Файзиев, Ислом Битўраев, Тимур Эргашев, Шахбоз Умаров.

Жамоамиз таркибида тўп тепган Владислав Павловский ва Олим Убайхўжаев кўрикка чақирилган. Азизбек Суюнов, Абдумалик Тошпўлатов ва Шахбоз Умаров эса ёшлар таркибидан жалб этилган.

Саидкомил Акбаров ва Роман Абдулов бироз бетоблиги сабаб бу ўйинда иштирок этишмади. Жамоа таркибида бўлган Никита Павленко, Максим Криушев, Фарҳод Тожиев ҳамда кеча жамоа ихтиёрига етиб келган Дарко Станоевич ва Арслонмурод Амановлар машғулот ўтказиш билан чекланишди.

Шу билан 4 январдан бошланган иккинчи йиғинга якун ясалди. Йиғин давомида кўрикда бўлган Азамат Абдуллаев, Нодир Камолов, Ислом Битўраев ва Абдумалик Абдуллаевларга жавоб берилди. Шунингдек, дарвозабон Акмал Ортиқов ҳам жамоани тарк этмоқда.

Жамоамизнинг навбатдаги ўқув-машғулот йиғини 16 январдан Тошкент шаҳрида давом эттирилади. Режага кўра 19 январь куни Тожикистон чемпиони Душанбе шаҳрининг "Истиқлол" жамоаси билан ўртоқлик ўйини ўтказилади. Бундан ташқари 22 январда "Андижон", 24 январда "Нефтчи", 28 январда "Бухоро" ва 30 январда Ғузорнинг "Шўртан" жамоалари билан назорат ўйинлари ташкиллаштирилади.

"Олмалиқ": "Обод"га қарши иккита ўртоқлик учрашуви ўтказилди