Мазкур баҳсни Илгиз Танташев бошқариши эълон қилинган эди. Шу туфайли 37 ёшли реферининг жорий мавсумдаги статистикасига эътибор қаратамиз.

Қаттиққўл

Ушбу ҳакам Суперлиганинг жорий мавсумида энг қаттиққўл арбитр бўлиб турибди. У ўзи ишлаган 5 ўйинда чўнтагидан 32 бор сариқ, 1 марта қизил карточкани чиқарган. 1 ўйинда карточка кўрсатиш бўйича рекорд ҳам ҳозирча бухоролик реферига тегишли бўлиб турибди. У 5 май куни ўтказилган "Андижон" 1:2 "Қўқон-1912" ўйинида футболчиларни 9 бор жазолаган.

Шундан келиб чиқсак, бугунги ўйин ҳам сариқ рангли карточкаларга бой бўлса керак.

5 ўйин - 5 пенальти

Яна шуни таъкидлаш керакки, Танташев ўзи ишлаган ўйинларнинг барчасида 11 метрлик нуқтага ишора қиляпти. Кўрамиз, бу анъана Олмалиқда ҳам даво м этадими.

АГМК иштирокидаги 1-ўйин

Илгиз Танташев жорий мавсум "Бунёдкор" иштирокидаги 2 та ўйинни бошқарган. Улардан бирида "қалдирғочлар" "Металлург"га имкониятни бой берган бўлса (2-тур, 1:0), иккинчисида "Сўғдиёна" билан дурангга рози бўлган (5-тур, 2:2). Бугунги баҳс бухоролик рефери учун жорий мавсумда АГМК иштирокидаги биринчиси бўлади.

Маълумот учун, учрашув Тошкент вақти билан 18:50да старт олади.

Coca-Cola Суперлига. 8-тур
14 май, жума
АГМК – БУНЁДКОР
Ҳакамлар: Илгиз Танташев, Андрей Цапенко, Тимур Гайнулин, Илья Ильин
Назоратчи: Марат Исмаилов
VAR ҳаками: Акобирхўжа Шукуруллаев
VAR ассистенти: Жаҳонгир Саидов
VAR назоратчи: Валентин Коваленко
Оператор: Шерали Жоналиев
Техник мутахассис: Муҳитдин Қамбаров
Комиссар: Шоҳруҳ Саид.

Олмалиқдаги ўйинда пенальти кўрамиз, карточкалар кўп бўлади