O'yindan so'ng "Al Hilol" hujumchisi Omar Xrbinga OFK Prezidenti Shayx Salmon "Eng yaxshi to'purar" sovrinini topshirdi. Ma'lumki, suriyalik futbolchi bu yilgi musobaqada jami 10ta gol urishga muvaffaq bo'ldi va bu borada Rafael Silva bilan Xalkni bitta to'pga ortda qoldirdi.
Albatta, sovrinni qabul qilib olayotganda hujumchining kayfiyati yaxshi emasdi. Chunki uning jamoasi finalda g'olib bo'la olmadi. Lekin Omar Xrbin bu mavsumni juda yuqori notada o'tkazdi va ham terma jamoa, ham klub miqyosida katta obro'ga erishdi. Aytish mumkinki, oxirgi to'rt yilda Xrbin ikkinchi bor OCHL finallarida ishtirok etdi.
