Бугун “Оқ-тепа” футбол клуби учун 15 йиллик ҳаётини бағишлаган марҳум Фарҳод Абдурасуловнинг таваллуд топган куни.

Бугун Фарҳод Абдурасулов ҳаёт бўлганида 52 ёшни қарши олган бўлар эди. Афсус... Умрини миллионлар ўйинининг ривожи учун бағишлаган инсонга бу кунларни кўриш насиб қилмаган экан.

Бугун “Оқ-тепа” футбол клуби раҳбарияти, жамоа аъзолари Фарҳод Абдурасуловни чуқур эҳтиром билан ёдга олди.

МАЪЛУМОТ УЧУН

АБДУРАСУЛОВ ФАРҲОД АБДУНАБИЕВИЧ

Туғилган санаси: 12.01.1964 йил

Вафот этган санаси: 03.10.2015 йил

Туғилган жойи: Тошкент шаҳри

Футболчиликдаги амплуаси: ҳимоячи

“Спартак” ва “Чиғатой” футбол мактаблари тарбияланувчиси.

Биринчи мураббийлари: Маъруф Акбаров, Сергей Арутюнов.

Ўйнаган жамоалари: “Соҳибкор” (Халқобод, 1981-1986 йиллар), “Хонқа” (Хоразм, 1987-1988 йиллар), “Диёнат” (Тошкент, 1989-1990 йиллар), “Атласчи” (Марғилон, 1991-1992 йиллар), “Чирчиқ” (1993-1994 йиллар), “Роҳат” (Қибрай, 1995-1997 йиллар), “Шайхонтоҳур” (ўйновчи мураббий, 1997-1999 йиллар).

2000 – 2015 йиллар оралиғида “Оқ-тепа” жамоасида ишлаган. 15 йил давомида клубда жамоа бошлиғи, маъмури, болалар футбол мактаби директори, мураббийи ва бош мураббийи лавозимларида фаолият кўрсатган.

Шогирдлари: Шаҳзод Нурматов (“Бунёдкор”), Алишер Шоғуломов (“Бухоро”), Берумий Абдунабиев, Никита Павленко (“Олмалиқ”), Сардор Қобулжонов (“Бухоро”), Умид Зуфаров.

“Оқ-тепа”. Агар ҳаёт бўлганида...