Учрашувда Ориф Мамажонов томонидан киритилган ягона гол қўқонликларга ғалаба келтирди. Бу билан ярим ҳимоячи жамоасининг муваффақиятига салмоқли хисса қўшди. Шу боис, Мамажонов 1-тур рамзий терма жамоасидан ўрин олди.

- Чемпионатни ғалаба билан бошлаганимиздан хурсандмиз. Аслида ҳам Самарқандга фақат ғалаба учун боргандик. Худога шукур, мақсадимизга эришдик. Ўйин қийин кечди. Мезбонлар ҳам очко йўқотишни истамади. Учрашувда биринчи бўлиб ҳисобни очганимиз бизга қўшимча куч бағишлади.

- Аҳиллигимиз эвазига ғалабани сақлаб қолдик. Йигитлар бир-биримизни қўллаб-қувватлаб, фақат олдинга интилдик.

- Ўйиндан олдин гол уришни хаёлимдан ўтказгандим. Албатта урган голим жамоамга ғалаба келтирганидан мамнунман.

- Самарқандга бориб жамоамизни сезиларли равишда олқишлаб турган ишқибозларга миннатдорчилик билдираман. Уларни кейинги ўйинларда ҳам хурсанд қилиш учун бор кучни ишга соламиз.

- "Қўқон-1912" мен учун бегона эмас. Ўзим туғилиб ўсган шаҳрим жамоасига қайтганимдан хурсандман. Таркибда меҳнаткаш йигитлар йиғилган. Улар билан юқори ўринлар учун курашса бўлади. Ҳар холда шунга ҳаракат қилинмоқда.

- Рамзий терма жамоадан ўрин олганимдан хурсандман. "championat.asia" портали ходимларига бунинг учун миннатдорчилик билдираман.

Ориф Мамажонов: "Динамо"ни аҳиллик эвазига мағлуб этдик"