Айни пайтда иккинчи лиганинг ҳал қилувчи босқичи ҳам етиб келди. Ўз гуруҳларида дастлабки икки ўринни қўлга киритган 8та жамоа сараланган ҳолда финал босқичига йўлланмани қўлга киритишди.

Булар: "Ўрикзор", СКИФ, "Пахтакор-1", "Локомотив БФК", "Пахтакор-2", "Бунёдкор-А", "Трамвайчи" ва "Намуна" жамоаларидир.

Регламентга кўра, финал йўлламасини қўлга киритган жамоаларнинг биринчи босқичдаги ўзаро учрашувларда қайд этган ҳисоблари кейинги гуруҳга қўшилади. Шунинг учун аввалги гуруҳда тўқнаш келган клублар чемпионлик учун кечадиган финал жангида ўзаро ўйнамайдилар.

7 тур натижаларига кўра, мусобақа пешқадами СКИФ ҳисобида 5та ўйин натижасидан 11 очко мавжуд. Финал босқичида биринчи ўринни қўлга киритган жамоа ноябрда бўлиб ўтадиган "пулька"да иштирок этади ва у ерда ғолиб бўлган клуб биринчи лига йўлламасини қўлга киритади.

"Бунёдкор", "Локомотив БФК" ва "Пахтакор" жамоаларининг биринчи лигада ҳам ўз фарм-клублари бор. Шунинг учун бу ерда "пулька" учун СКИФ, "Ўрикзор" ва "Намуна" жамоалари куч синашишяпти.

Кеча "Ўрикзор" ва "Намуна" ўртасида кечган муҳим баҳсга ташриф бурдик.

"Ўрикзор" Ўзбекистон Миллий Университетининг майдонида бўлиб ўтган баҳсда "Намуна"ни қабул қилди.

Ўйнда мезбонлар ташаббусни қўлга олдилар. Аммо гол уриш меҳмонларга насиб этди. Учрашувнинг .. -дақиқасида "Ўрикзор" дарвозабони Маҳаматов рақибини қўполлик билан тўхтатиб қолди. Бу вазиятда учрашув бош ҳаками иккиланмай ўн бир метрлик жарима нуқтасини кўрсатди: пенальти. Биринчи вазиятда дарвозабон сейвни амалга оширди, аммо Файзиев қайтган тўпни қийинчиликсиз бўш қолган дарвозага жойлай олди. Шундан кейин ташаббус "Ўрикзор"га ўтди. Рақиб эса аксар ҳолларда ҳимояланишга ҳаракат қилди. Ҳисоб иккинчи бўлимда тенглашди. Валихонов жамоасини мағлубиятдан қутқариб қолувчи гол муаллифи бўлди.

"Ўрикзор" - "Намуна" 1:1

Голлар: Р.Валихонов - Д.Файзиев

"Ўрикзор": М.Маҳаматов, А.Тохиров, Х.Исломхўжаев, Н.Насриддинов, А.Йўлдошев. Д.Усмонов, У.Мўминов, А.Маҳкамов, Р.Валихонов, Б.Мирсаидов, Ш.Қодиров.

Захира: А.Аминжонов, О.Раҳимов, Ш.Раҳимов, Б.Ғофуров, И.Гайназаров, Ш.Нурматов.

"Намуна": И.Юсуфжонов, О.Файзиев, Т.Саидов, И.Тулкунов, Б.Фарҳодов, Д.Файзиев, Х.Бойматов, А.Абдукаримов, А.Тўлкунов, Т.Ғофуров, Б.Эгамбердиев.

Захира: Н.Ибрагимов, И.Олимов, С.Ғуломов, М.Шарипов, Б.Ғаниев.

Ўйиндан сўнг "Ўрикзор" бош мураббийи Бахтиёр Эргашевнинг ўйин ва мавсумдаги режалари ҳақидаги фикрини тингладик.

- Гувоҳи бўлганингиздек, ўйин қизиқарли кечди. Таркибимиз асосан 1997 ва 1998 йилларда таваллуд топган футболчилар асосида тузилган. Шу боиси финал босқичида бироз қийинчиликлар бўляпти. Бу шаҳар чемпионати бўлгани учун ёшда чеклов йўқ. Шунинг учун баъзи рақибларимиз сафидаги футболчилар бизникилардан анча ёши катта. Лекин бунинг фойдасини эртага кўришимизга ишонамиз. Йигитлар катталар билан футбол ўйнаб қандай ўйин эканлигини янада яхшироқ ҳис қиладилар. Ҳозирча ишларимиз чакки эмас, 9 очко билан СКИФни таъқиб этяпмиз.

- Жамоа олдига қандай вазифа қўйилган?

- Аввало "пулька" йўлланмасини қўлга киритишга ҳаракат қиламиз, кейин эса биринчи лигага. Буни мавсум кўрсатади, режа эса шундай. Яна бир маълумот, бу йигитлар шаҳар болалар лигасида қатнашадиган жамоамиз ўзагидан тузилган. Омадимиз чопса жорий мавсум ниятимизга эришамиз.

Кейинги турда қуйидаги жамоалар ўзаро куч синашадилар:

8-тур

"Намуна" - СКИФ

"Пахтакор-1" - "Локомотив БФК"

"Пахтакор-2" - "Бунёдкор-А"

"Трамвайчи" - "Ўрикзор"

Қолдирилган учрашувлар:

1-тур

СКИФ - "Намуна"

"Бунёдкор-А" - "Пахтакор-2"

"Ўрикзор" - "Трамвайчи"

2-тур

"Пахтакор-1" - "Бунёдкор-А"

5-тур

"Пахтакор-1" - "Пахтакор-2"

6-тур

СКИФ - "Пахтакор-2"

ТУРНИР ЖАДВАЛИ

№	Жамоа	У	Ғ	Д	М	Т-Н	О
1	СКИФ	5	1	2	0	5-2	11
2	Бунёдкор-А	6	2	4	0	8-5	10
3	Намуна	7	2	3	2	14-13	9
4	Ўрикзор	7	2	3	2	14-13	9
5	Лкоомотив БФК	8	2	2	4	14-13	8
6	Пахтакор-1	5	2	1	2	5-10	7
7	Пахтакор-2	5	2	0	3	10-11	6
8	Трамвайчи	7	1	3	2	8-10	6

"Ўрикзор" "пулька" учун курашади ёхуд 2-лигада нима гап?