Учрашув Паршал (Португалия)даги "Бела Вишта" стадионида бўлиб ўтди ва 3:1 ҳисобида "бўрилар" фойдасига ҳал бўлди.

Италия жамоаси 15-дақиқада гол ўтказиб юборди, аммо 5 дақиқа ўтиб ҳужумчи Эдин Жеконинг голи туфайли мувозанат тикланди. Ярим ҳимоячи Николо Заньоло 56-дақиқада меҳмонларни ҳисобда олдинга олиб чиқди. Учрашувга "нуқта"ни эса хавбек Генрих Мхитаряннинг пасидан сўнг "Рома" форварди Борха Майораль қўйди.

"Рома" 2021/22 йилги мавсум стартига қадар яна битта ўртоқлик ўйини ўтказади. Жозе Моуринью шогирдлари 7 август куни "Бетис" билан куч синашишади. Ўйин Севилья (Испания)даги "Бенито Вильямарин" стадионида бўлиб ўтади.

"Бўрилар"нинг ўзбекистонлик янги ҳужумчиси Элдор Шомуродов жамоага яқинда қўшилгани учун бу ўйинда ҳаракат қилмади.

Ўртоқлик ўйини. "Рома" "Белененсеш"ни мағлуб этди, Шомуродов эса...