Бугун ўсмирларимиз Қатар U-16 ўсмирлар терма жамоасига қарши ўртоқлик ўйинида майдонга тушди. Соат 16:00да бошланган ўйиннинг ҳисобини шу ерда кузатиб бориш мумкин бўлди.

Учрашувнинг 13-дақиқасида белгиланган пенальтини Жонибек Кўчимов аниқ амалга ошириб ҳисобни очди - 1:0.

36-дақиқада Азиз Ғаниев иккинчи бор меҳмонлар дарвозасини ишғол қилди - 2:0.

42-дақиқада қатарликлар ҳисобни қисқатиришди - 2:1. Дастлабки бўлимда мана шу ҳисоб қайд этилди. 63-дақиқада ҳисоб тенглашди - 2:2.

73-дақиқада Кўчимов дублга эришди - 3:2. 84-дақиқада қатарликлар пенальтидан ҳисобни тенглаштиришди - 3:3.

Ўзбекистон U-16 - Қатар U-16 - 3:3 (2:1)
Голлар: Кўчимов 13 пенальти, - 1:0.Азиз Ғаниев 36, - 2:0.Кўчимов 73, - 3:2.
Ўзбекистон U-16: Акром Ходжаев, Озодбек Қурбонов, Достонбек Бердиқулов, Илхом Алижонов, Дониёр Хошимов, Суҳроб Нуриллаев, Жаҳонгир Аҳмадов, Ойбек Нурматов, Жасур Асқаров, Азиз Ғаниев, Жонибек Кўчимов.

Эслатиб ўтамиз, Ўзбекистон U-16 ўсмирлар терма жамоаси 25-29 сентябрь кунлари Тошкент шаҳри мезбонлик қиладиган 2014 йилги U-16 ОЧ саралаш баҳсларида Яман ҳамда Фаластин ўсмирлар терма жамоаларига қарши майдонга тушади. Саралаш баҳслари Тошкентдаги «ЖАР» стадионида бўлиб ўтади.

Ўртоқлик учрашуви. Ўзбекистон U-16 - Қатар U-16 - 3:3