Тошкентда ўзининг навбатдаги йиғинини ўтказаётган Ўзбекистон U-17 ўсмирлар терма жамоаси 18 август куни «ЖАР» стадионида Эрон ўсмирлар терма жамоасига қарши ўртоқлик ўйинида майдонга тушиб, 2:0 ҳисобида ғалаба қозонди. Дилшод Нуралиев бошчилигидаги ўзбекистонлик ўсмирлар, Тошкентда Эрон ўсмирларига қарши 3та ўртоқлик учрашуви ўтказиши ҳақида хабар берган эдик.

Қайд этиш жоиз, 16 август куни Тошкентга етиб келган Эрон ўсмирлар терма жамоаси ҳам Ўзбекистон U-17 ўсмирлар терма жамоаси сингари, шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичи иштирокчиси саналади. Маълумот ўрнида, Ўзбекистон ва Эрон ўсмирлар терма жамоалари ўзаро яна икки марта ўртоқлик ўйинида майдонга тушишади. Ушбу учрашувлар ҳам Тошкентдаги «ЖАР» стадионида бўлиб ўтади.

Тошкентда Эрон ўсмирлар терма жамоасига қарши бўлиб ўтадиган учрашувлар, Нуралиев шогирдлари учун шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичи ўйинлари олдидан тайёргарлик вазифасини ўтайди.

Маълумот ўрнида, ўсмирлар ўртасидаги жаҳон чемпионати баҳслари финал босқичига қуръа ташлаш маросими 26 август куни Абу-Даби шаҳрида бўлиб ўтади. Қуръа ташлаш маросимида Ўзбекистон ўсмирлар терма жамоаси бош мураббийи Дилшод Нуралиев ҳамда терма жамоа сардори Отабек Шукуров иштирок этадилар.

Ўртоқлик учрашуви. Тошкент. «ЖАР» стадиони.
18 август. Якшанба.
Ўзбекистон U-17 - Эрон U-17 - 2:0
Голлар: Иброҳим Абдуллаев, Иззатилла Абдуллаев.

Ўртоқлик учрашуви: Ўзбекистон U-17 - Эрон U-17 - 2:0