Японияда, "Кашима" майдонида ўтган ярим финалнинг илк учрашуви 3:2 ҳисобида японларнинг ғалабаси билан якунланган эди. Жавоб учрашуви ҳам голларга бой бўлди.

Учрашувдаги биринчи гол Япония клуби вакили Шуто Ямамото ҳисобига ёзилди. У ўз жамоасини ҳисобда олдинга олиб чиқди. Биринчи бўлим 0:1 ҳисобида якунланди. Иккинчи бўлимда "Сувон Самсунг" рақибни шошириб қўйди ва 8 дақиқа ичида 3та гол уришга эришди. Лим Санг Хьюб, Сонг Жин Чо ва Деян Дамяновичнинг голлари ҳисоб 3:1 кўринишига келишини таъминлади. 64-дақиқада "Кашима Антлерс" футболчиси гол урди. Даиго Ниши орадаги фарқни биттага қисқартирди. 3:2. Ўйин тақдирини меҳмон жамоа футболчиси Сержиньо ҳал қилди. 84-дақиқада у томонидан урилган гол японларни Осиё Чемпионлар лигаси финалига олиб чиқди.

Эслатиб ўтамиз, Осиё Чемпионлар лигаси финали уй ва меҳмон ўйинлари тизимида ўтказилади. "Кашима Антлерс" ҳамда "Персеполис" ўртасидаги биринчи финал 3 ноябрь куни Японияда, навбатдаги ўйин эса 10 ноябрь Эрондаги стадионда бўлиб ўтади.

ФИНАЛ

3 ноябрь. "Кашима Антлерс" - "Персеполис"

10 ноябрь. "Персеполис" - "Кашима Антлерс"

Осиё Чемпионлар лигасининг иккинчи финалчиси номи маълум бўлди