Савол: Икки карра Осиёнинг энг яхши футболчиси Сервер Жепаровнинг профессионал футболдаги маршрути қайси йўналиш бўйича кечган?

Жавоб: "Навбаҳор", "Пахтакор", "Бунёдкор", "Сеул" (Ж.Корея), "Ал Шабаб" (С.Арабистони), "Сеонгнам" (Ж.Корея), "Ульсан Хюндай" (Ж.Корея), "Локомотив", "Истиқлол" (Эрон), "Сепахон" (Эрон), "Жетису" (Қозоғистон) ва "Металлург".

Савол: Осиё чемпионлар лигасида энг тезкор гол муаллифи ким?

Жавоб: Себастьян Куинтана. "Лаҳвия" футболчиси 2013 йилнинг 9 апрель куни "Пахтакор" дарвозасини 9-сониядаёқ ишғол қилганди. Бу рекордни шундан бери ҳеч ким янгилагани йўқ.

Савол: 2018 йил аёллар ўртасидаги Осиё чемпионатида ким ғолибликни қўлга киритган?

Жавоб: Япония аёллар терма жамоаси. Япониялик қизлар финалда Австралияни 1:0 ҳисобида мағлуб этишган.

Савол: Бу қайси стадион?

Жавоб: Бу албатта, ҳаммамиз яхши билган "Пахтакор" марказий стадиони. 34 минг мухлисга мўлжалланган ушбу ўйингоҳда 2008 ва 2010 йилларда U-16 Осиё чемпионати мусобақалари бўлиб ўтган.

Савол: Осиё чемпионлар лигасида нечта жамоа ютқазмасдан чемпион бўлган?

Жавоб: Тўртта жамоа. Булар - "Ал Иттиҳод" (2005), "Урава Редс" (2007), "Гамба Осака" (2008) ва "Ульсан Хюндай" (2012).

Савол: Қатар, Қувайт, Ироқ, Хитой. Бу жамоалардан қайси бири Осиё Кубогида ғолиб бўлмаган?

Жавоб: Хитой. Қатар 2019 йилги мусобақада ғолиб чиққанини яхши биласиз. Қувайт 1980 йил, Ироқ эса 2007 йил Осиё Кубогида зафар қучган. Хитой терма жамоаси 1984 ва 2004 йил финалга боришига қарамай ғалаба қозона олмаган.

Савол: ЖЧ-2002да Жанубий Корея пенальтилар сериясида Испанияни мағлуб этганида кореяликлардан ҳал қилувчи зарбани ким берган?

Жавоб: Жамоа сардори Хонг Мюнг Бо. "Гвангжу" стадионида кечган баҳсда Жанубий Корея Испанияни мағлуб этиб шов-шувли тарзда ярим финалга йўл олганди.

Савол: Бу қайси клубнинг логотипи?

Жавоб: Бу логотип Эроннинг "Персеполис" клубига тегишли.

Осиё футболи ҳақида билишимиз керак бўлган маълумотлар