Терма жамоа сардори Ҳассан Ал Ҳайдос мусобақа олдидан ОФК расмий сайтига интервью берди.

"Бу жуда катта турнир, - дейди 28 ёшли футболчи. - Ҳамма қатори бизнинг ҳам умидимиз катта. Йил бошида Осиё Кубогида иштирок этамиз. Ундан кейин Копа Америкага ҳам борамиз. Иккаласи юқори савиядаги турнир. Мана шу мусобақалар орқали ўз уйимизда бўлиб ўтадиган ЖЧ-2022га тайёргарлик кўрамиз".

"Ал Садд" клубининг ҳужумкор ярим ҳимоячиси Қатар миллий терма жамоасида 100тадан кўп ўйин ўтказган.

"Биз ҳозирча чорак финални кўзлаб турибмиз. Бунинг учун яхшигина имконият бор. Қолганини эса вақт кўрсатади. Тўғриси, биз босимни ҳис қилаётганимиз йўқ, аксинча Осиё Кубоги ҳар бир футболчига бериладиган имконият ва бунда ҳамма ўзини кўрсатишни хоҳлайди. Энг муҳими, мен ҳар бир ўйиндан роҳат олишни истайман", - дейди Ҳассан Ал Ҳайдос.

Осиё Кубоги-2019. Ҳассан Ал Ҳайдоснинг мусобақадан умиди катта