Ушбу саҳифада ўйиннинг энг муҳим вазиятларини кузатиб бориш мумкин.

ЯНГИЛАШ

Ўйин бошланди. 5-дақиқада Ал Ҳаммади мусобақанинг биринчи голини уриши мумкин эди. Бироқ бирга бир вазиятда унинг зарбасини дарвозабон майдон ташқарисига чиқариб юборди.

26-дақиқада Муҳаммад Ал Роҳаими боши билан зарба берди, тўп дарвоза юқорисидан ўтиб кетди.

44-дақиқада баҳрайнликлар қулай имкониятга эга бўлишди. 45-дақиқада Комаил Ал Асваднинг жаримадан йўллаган зарбаси жуда хавфли бўлди.

Биринчи таймда ҳисоб очилмади.

Иккинчи тайм бошланди.

52-дақиқада Али Жаафар Маданнинг зарбасини дарвозабон қайтарди, Муҳаммад Ал Роҳаимининг яқин масофадан йўлланган зарбасини ҳам Холид Эйса қайтарди.

63-дақиқада Ҳамис Исмоилнинг зарбаси дарвозага етиб бормади.

67-дақиқада Али Мабҳут ҳисобни очишга жуда яқин келганди, ҳимоячиларнинг хатосидан сўнг Осиё Кубоги-2015 тўпурариниг зарбаси ноаниқ чиқди!

76-дақиқада Холид Эйса бурчакдан йўллаган зарбани қайтаришга эришди.

78-дақиқада "Баҳрайн" ҳисобни очди! Жарима майдони ичидаги пала-партишликда сўнг Муҳаммад Ал Роҳаими ҳисобни очди - 0:1. ВИДЕО

84-дақиқада ҳисоб тенглашиши мумкин эди, Саиф Рашиднинг бирга бир вазиятдан йўллаган зарбасини Сайид Шуббар қайтарди!

87-дақиқада баҳрайнлик ҳимоячи тўпни жарима майдони ичида қўли билан тўхатгани учун пенальти белгиланди. Аҳмад Ҳалилнинг 11 метрли жарима тўпидан йўллаган кучли зарбаси голга айланди - 1:1. ВИДЕО

Ўйин тугади, очилиш учрашувида 1:1 ҳисоби қайд этилди.

Осиё Кубоги-2019
"А" гуруҳи. 1-тур
БАА - БАҲРАЙН 1:1 (0:0)
5 январь. Абу Даби. "Зайд Спорт Сити" стадиони. 33872 томошабин

Ҳакамлар: Адҳам Макҳадмеҳ, Аҳмад Ал Роалле ва Муҳаммад Ал Калаф (учаласи Иордания)
Дарвоза ортидаги ҳакамлар: Турки Муҳаммад (С.Арабистони) ва Аҳмад Файсал (Иордания)
Захира ҳаками: Муҳаммад Маки Ала Бакри (С.Арабистони)

Голлар: Муҳаммад Ал Роҳаими 78, - 0:1. Аҳмад Ҳалил 87 пенальти, - 1:1.

БАА: 17.Холид Эйса, 2.Али Ҳассан Салмин, 4.Халифа Ғаним, 5.Амир Абдулраҳмон (16.Муҳаммад Абдулраҳмон, 54), 6.Фарис Жума, 7.Али Мабҳут, 9.Бандар Муҳаммад, 13.Ҳамис Исмоил (11.Аҳмад Ҳалил, 81), 15.Исмоил Ал Ҳаммади, 18.Ал Ҳасан Солиҳ, 21.Халфан Муборак (20.Саиф Рашид, 54)
Захира: 1.Али Ҳасиф, 3.Волид Аббос, 8.Мажид Ҳасса, 10.Исмоил Матар, 12.Халифа Муборак, 14.Муҳаммад Халфан, 19.Исмоил Аҳмад, 22.Муҳаммад Ал Шамси, 23.Муҳаммад Ғариб

Баҳрайн: 1.Сайид Шуббар, 3.Волид Ал Ҳаям, 4.Сайид Дҳия, 5.Ҳамид Алшамсан, 7.Али Ал Сафи, 11.Али Жаафар Мадан (20.Сами Ал Ҳусаини, 90+1), 12.Аҳмад Али Жума (8.Муҳаммад Марҳун, 86), 13.Муҳаммад Ал Роҳаими, 16.Сайид Ридха Иса, 19.Комаил Ал Асвад, 23.Жамол Рашид (10.Абдулла Юсуф Хилол, 81)
Захира: 2.Сайид Маҳди Бақир, 6.Аҳмад Мирза, 9.Маҳди Алҳумаидан, 14.Али Абдулла Харам, 15.Жассим Ал Шайх, 17.Аҳмад Муборак, 18.Аҳмад Абдулла Али, 21.Юсуф Ҳабиб Ҳасан, 22.Абдулкарим Фардан

Огоҳлантиришлар: Амир Абдулраҳмон 35, Ҳамис Исмоил 36.

Осиё Кубоги-2019. Очилиш учрашувида БАА мағлубиятдан қутулиб қолди