Айни пайтга келиб, мезбон Австралиядан ташқари қолган 15та терма жамоани қайси кунлари бу қитъага ташриф буюриши маълум бўлиб улгурди.

Ҳаммадан эрта Шимолий Корея терма жамоаси "Яшил қитъа"га учади. Корейслар режага кўра, 15 декабрдан Австралиядаги машғулотларни бошлашади. Улардан кейин Қувайт (18 декабрь) ва Баҳрайн (22 декабрь) терма жамоалари "кенгурулар" юртига етиб борадилар. Ўзбекистон ва Япония терма жамоалари эса энг кеч, яъни 2015 йилнинг 3 январь куни манзилга етиб боради.

Янги йилга қадар, Хитой, Эрон, Иордания, Баҳрайн, Қувайт, КХДР, Қатар, Саудия Арабистони, Жанубий Корея, ва БАА терма жамоалари Австралияга етиб борадилар.

Ўзбекистон миллий терма жамоаси БААда 17-29 декабрь кунлари мусобақа олдидан сўнгги йиғинини ўтказиб, Тошкентга қайтадилар. 1 январдан терма жамоамиз Тошкентда йиғилади ва эртасига Австралияга учиб кетади.

БААдаги иккинчи йиғинга, деярли оптимал таркиб йўл олади. Захира учун 2-3 нафар футболчилар ҳам бўлади. Иккинчи йиғинда учта ўртоқлик учрашуви бўлиб ўтиши ҳақида расмий хабарлар мавжуд. Буни ФИФА сайти ҳам тасдиқлаган.

Ўзбекистон миллий терма жамоасининг Австралиядаги базаси Мельбрунда жойлашган. Миржалол Қосимов ва унинг жамоаси у ерда 8 январга қадар бўладилар, шундан кейин Сиднейга учадилар.

Бу сафарги Осиё Кубоги янги тизимда ўтади. Яъни, ҳар бир ўйин ҳар хил шаҳарларда бўлади. Сўнгги ЖЧда синаб кўрилган бу тизим, гарчанд жамоалар учун қийинчилик туғдирса-да, маркетинг жиҳатдан ташкилотларга яхши пул олиб келади.

Нодирхўжа Юлдашев.

МТЖ	Етиб бориш санаси	МТЖ Базаси
Австралия	27 декабрь	Сидней
Баҳрайн	22 декабрь	Сидней
Хитой	29 декабрь	Аделаида
Эрон	31 декабрь	Мельбрун
Ироқ	1 январь	Канберра
Япония	3 январь	Кесснок
Иордания	23 декабрь	Ньюкасл
Қувайт	18 декабрь	Кюнбеян
КХДР	15 декабрь	Канберра
Уммон	28 декабрь	Сидней
Фаластин	2 январь	Брисбан
Қатар	28 декабрь	Канберра
Саудия Арабистони	26 декабрь	Брисбан
Жанубий Корея	27 декабрь	Брисбан
БАА	26 декабрь	Голд Коаст
ЎЗБЕКИСТОН	3 январь	Мельбрун

Осиё Кубогига яна 29 кун! Ким қачон Австралияга ташриф буюради?