Қуйида Осиё футболига оид энг муҳим трансферларни келтириб ўтамиз.

- Уммонлик машҳур дарвозабон Али Ал Ҳабси Саудия Арабистонининг "Ал Ҳилол" клуби билан уч йиллик шартнома имзолади. У бунгача Англиянинг "Ридинг" клубида ўйнаб келаётганди.

- Яқинда ҳамюртимиз Сардор Рашидов билан шартнома тузган "Ал Жазира" эндиликда Аҳмад Халилниям ўз сафига қўшиб олди. БАА терма жамоаси ҳужумчиси 11 йиллик фаолиятдан сўнг "Ал Аҳли"ни тарк этиб, Абу Даби клубига йўл олди.

- Япониялик Кейсуке Хонда Мексиканинг "Пачука" клубига кўчиб ўтди. У бунгача "Милан" таркибида тўп тепиб келаётганди. Маълумот учун, 31 ёшли Хонда 2011 йилги Осиё чемпионатида "Мусобақанинг энг яхши футболчиси" деб топилган.

Осиё трансферлари. Сардор Рашидов Аҳмад Халил билан битта клубда ўйнайди