БААнинг "Шаржа" клуби эркин агент мақомидаги Отабек Шукуров билан 1,5 йиллик шартнома тузди. Бу ҳақда championat.asia "Шаржа" клубининг твиттердаги расмий саҳифасига таяниб хабар берди.

"Шаржа" клубига 1966 йилда асос солинган. Ўз уй ўйинларини Шаржа шаҳридаги "Sharjah Stadium"да ўтказади. Сиғими - 11073 томошабин. Айни пайтда жамоани Абдулазиз Муҳаммад бошқариб бормоқда.

Клуб 5 марта БАА чемпиони бўлган. 8 бор БАА Президенти кубоги соҳибига айланган. Бир марта БАА Суперкубогида ғолиб бўлган. Айни пайтда клуб сафида Сезар Пинарес (Чили), Веллитон (Бразилия) ва Вагнер Виейра (Бразилия) каби легионерлар бор.

Бу мавсумда "Шаржа" 11та турдан сўнг 10 очко билан 12та клуб орасида 9-ўринда бормоқда.

Отабек Шукуров БАА клубига ўтди