Биз янги мавсум олдиндан футболчининг фикрлари билан қизиқдик.

“Бахтиёр Ашурматовнинг таклифига биноан “Андижон”га келдим. “Навбаҳор” билан амалдаги шартномам якунига етганди. Хорижда ҳам бир клубдан бошқасига ўтиш ҳолати кўп учраб туради. Профессионал футболчи сифатида барчамиз бунга тайёр бўлишимиз керак. Ёдингизда бўлса 2012 йилда ҳам айнан “бургутлар” сафида ўйнаганман. Шу боис жамоадаги кўплаб ўйинчиларни жуда яхши танийман. Улар орасида мен учун қадрдон футболчилар ҳам бор.

Янги мавсумда мақсадимиз яхши ўринларни эгаллаш. Имкон қадар юқори ўринларни банд этишга ҳаракат қиламиз. Таркиб ҳам шунга монанд равишда кучайтирилмоқда. Олий лигада кўп йиллардан буён ўйнаб келаётган ўйинчилар жамоага жалб этилмоқда.

“Навбаҳор” мухлисларига миннатдорчилик билдираман. Улар доим жамоани ва футболчиларни қўллаб қувватлашарди. Қаерда ўйнашимдан қатъий назар ҳамиша уларни ҳурмат қиламан ва яхши кўраман", - дейди Отабек Валижонов.

Отабек Валижонов: “Андижон”да 4 йил олдин ҳам ўйнаганман”