"Локомотив" - "Қўқон-1912" учрашувида баҳсли вазият юзага келганидан хабарингиз бор. Учрашувнинг сўнгги дақиқа Нивалдо ҳакам томонидан четлатилганидан сўнг рақиб посбони Ўткир Юсуповни "Зидан услубида" уриб ағдарди. Шундан кейин Нивалдо вазиятга ойдинлик киритаркан шундай деди: Юсупов мени маймун деб ҳақорат қилди.

"Локомотив" - "Қўқон-1912": Нивалдо ва Ўткир Юсупов баҳсли вазиятга изоҳ берди

Ўткир Юсупов эса Нивалдонинг бу сўзларини қуруқ туҳмат эканлигини таъкидлади ва аслида нима бўлганини сўзлаб берди.

"Мен Нивалдони маймун ёки шунга ўхшаш сўзлар билан ҳақорат қилганим йўқ. Мен ирқчи эмасман. Бу вазиятда олдимда учрашув бош ҳаками Валентин Коваленко ҳам турганди. Шу боисдан Коваленко бунга бемалол гувоҳлик қилиши мумкин. Нивалдонинг бу уйдирмаси қуруқ туҳматдан бошқа нарса эмас. Аввалига Нивалдо Марко Милични урди. Мен ён қанот ҳакамидан вазиятни кўргани учун бу ҳақда бош ҳакамга маълум қилишини сўрадим. Коваленко эса Нивалдога қизил карточка кўрсатди. Бу орада мен Нивалдога майдондан чиқиб кетишини сўраётганимда, бразилиялик футболчи тўсатдан келиб мени урди. Яна қайтараман, мен ирқчи эмасман", - деди Ўткир Юсупов.

Ўткир Юсупов "Локо" футболчисини маймун ёки негр деб ҳақоратладими?