Валерий Николаевич Лёткин 1945 йилнинг 25 ноябрь куни туғилган. Футболчилик фаолиятида ҳимоячи амплуасида ҳаракат қилган. 1963 йил "Пахтакор" сафида катта футболга кириб келган Лёткин турли йилларда "Андижон", "Пахта-Арал", "Ташавтомаш", "Торпедо" (Кокшетау) каби клубларда тўп тепган.

1973 йилдан мураббийлик фаолиятини бошлаган Лёткин "Трактор" (Тошкент), "Спартак" (Семипалатинск), "Бўстон" (Жиззах), "Соҳибкор" (Халқобод), "Машъал" (Муборак), "Металлург" (Бекобод) жамоаларида ишлаган.

Бир неча йил давомида Ўзбекистон Профессионал футбол лигасида ҳам фаолият олиб борди.

2022 йилда Ўзбек футболининг 110 йиллиги муносабати билан ЎФА фахрийлар кенгаши аъзолари ва ОАВ вакиллари Валерий Лёткин хонадонига ташриф буюришган эди (қуйидаги суратлар ўша учрашувдан). Учрашув давомида Валерий Николаевичнинг ёрқин фаолияти ва ўзбек футболига қўшган ҳиссаси эслаб ўтилганди. Футбол фахрийсига ўзбек футболининг 110 йиллигига бағишланган кўкрак нишони ва эсдалик совғалари топширилган эди.

Championat.asia сайти Валерий Лёткин оила аъзолари ва яқинларига чуқур ҳамдардлик билдиради.

Ўзбек футболи фахрийси Валерий Лёткин вафот этди