Бу ўйинларга кириш чипталари сотуви давом этмоқда.

Эндиликда ишқибозлар вақтларини кетказмай, стадион кассаларида узундан-узун навбатларда турмасдан, уйдан чиқмаган ҳолда ҳам электрон шаклда чипталар ҳарид қилиш имконига эга.

Ушбу ўйинлар учун чипталарни iticket сайтидан онлайн харид қилиш мумкин. Чипталар уч хил категорияда чиқарилган бўлиб секторга қараб 50000, 65000 ва 100000 сўмдан сотилмоқда.

"Ўзбекистон" спорт саройи ўз бағрига 2400 нафар томошабинни сиғдира олади. Championat.asia сайти маълумотига кўра, учрашувдан олдин ўша машҳур "Саҳар" гуруҳи яккахони Анвар Жўраев мухлислар учун ажойиб қўшиқлар гулдастасини тақдим этади. Бундан ташқари юртимиздаги футзал мусобақаларида ҳали бўлмаган лазер шоу ҳам намойиш этилади. Танаффус вақтида эса мухлисларни барабанлар шоуси кутмоқда.

Эслатиб ўтамиз, Ўзбекистон ва Аргентина ўртасидаги ўртоқлик ўйинлари 2 ва 3 февраль кунлари соат 18:30да бошланади.

Ҳозирда ўйин чипталари iticket.uz веб-сайтида, шунингдек, қуйидаги савдо шахобчалари ва кассаларда сотилмоқда:

- Афросиёб 4А, Grand Trade Бизнес Маркази, 1-қават (Соат 09:00дан - 19:00гача);
- “Ҳумо Арена” мажмуаси (Соат 10:00дан - 20:00гача);
- “Самарқанд Дарвоза” кўнгилочар савдо мажмуаси, 1-қават (Соат 10:00дан - 22:00гача);
- “Compass” кўнгилочар савдо мажмуаси, 1-қават (Соат 10:00дан - 22:00гача);
- Самарқанд шаҳри, Университет ҳиёбони, 1/4, Malika Prime меҳмонхонаси (Соат 09:00дан - 18:00гача).
- “Пахтакор” стадиони кассаси (Алишер Навоий номидаги кино саройи ёнида жойлашган касса - соат 10:00дан - 20:00гача).

Реклама

Ўзбекистон – Аргентина учрашувини жонли кўришни истайсизми?