Жараён “Спорт” телеканали орқали соат 21:20 дан бошлаб жонли эфирда кўрсатилади.

Гуруҳ босқичида 2021 йилги мавсумда бўлгани каби 24 та жамоа кураш олиб боради. “Пахтакор” ОФК Чемпионлар лигасининг гуруҳ босқичи иштирокчиси сифатида мусобақага 1/8 финалдан эътиборан қўшилади. “Насаф” клуби 15 март куни “Банияс”ни таслим қила олса, турнирни 1/8 финалдан бошлайди, йўқса у ҳам гуруҳ босқичидаги рақибларини 19 март куни билиб олади.

Шу куни мусобақанинг саралаш босқичига ҳам қуръа ташлаб берилади. Саралаш ўйинлари ҳақида бироздан сўнг аниқроқ маълумот тақдим этилади.

Шунингдек, анъанага кўра 2022 йилги кубок финалига мезбонлик қилувчи стадион номига ҳам қуръа ёрдамида аниқлик киритиб олинади. Даъвогар стадионлар Ўзбекистон футбол ассоциацияси билан келишилган ҳолда қуръага қадар маълум қилинади.

Ўзбекистон Coca-Cola кубоги гуруҳ босқичига 19 март куни қуръа ташланади