Аввал хабар берганимиздек, Ўзбекистон футзал терма жамоаси Таиландда ўтадиган “Continental” халқаро мусобақасида иштирок этади.

Баҳодир Аҳмедов бош мураббийлиги остидаги терма жамоамиз бугун Бангкок шаҳрига етиб бориб, коронавирусга тест топширди ва "Ал Мероз" мехмонхонасига жойлашди.

Маълумот ўрнида, футзалчиларимиз турнирнинг дастлабки босқичида Таиланд, Косова ва Мозамбик вакиллари билан ўзаро куч синашади.

"Continental" турнири 25 июль куни старт олади. Биринчи турда терма жамоамизга Косова вакиллари рақиблик қилади.

Дарвозабонлар: Рустам Умаров (АГМК), Аббос Элмуродов ("Хуахин Жиззах"), Равшан Элибоев ("Пахтакор")
Ўйинчилар: Ихтиёр Ропиев, Анасхон Раҳматов, Илҳом Ҳамроев, Ҳусниддин Нишонов, Даврон Чориев, Музаффар Аҳаджонов (барчаси АГМК), Машраб Одилов, Суннатилла Жўраев, Акбар Усмонов (барчаси Пахтакор), Хушнур Эркинов ("Металлург"), Дилшод Раҳматов ("Хуахин Жиззах"), Элбек Тўлқинов ("Максам Чирчиқ").

Ўзбекистон футзал терма жамоаси Бангкокда!