Ушбу учрашувга қадар Ўзбекистон кубогида мезбонлар “Машъал” уч учрашувда майдонга тушган бўлсалар, “Локомотив” иккита ўйин ўтказган.

Муборакликлар бу йилги Кубок баҳсларини “Машъал 2” жамоасига қарши ўйин билан бошлаганлар. Бу учрашувнинг асосий вақтида ҳисоб очилмаган ва “Машъал” пенальтилар сериясида омадлироқ бўлиб 1/8 финалга йўл олган. 1/8 финалда Хомяков шогирдлари Жиззахнинг “Сўғдиёна” клуби тўсиғидан икки учрашув натижасига кўра ўтиб ( “Машъал” – “Сўғдиёна” 1-1 ва “Сўғдиёна – “Машъал” 0-1)Тошкентнинг “Локомотив” клубига дуч келдилар.

Тошкентликлар эса Ўзбекистон кубоги ўз иштирокларини 1/8 финалдан бошладилар. “Темирйўлчилар”га рақиб сифатида мусобақа сеткасида Андижоннинг “Уз-Донг-Жу” клуби рўбаро келди. Икки учрашув якунларига кўра (“Уз-Донг-Жу” – “Локомотив” 1-4 ва “Локомотив” – “Уз-Донг-Жу” 9-0) рақибини тор-мор этди.

Бу икки жамоалар 2016 йил футбол мавсумида Ўзбекистон Чемпионати баҳсларида ўзаро майдонга тушган ва ушбу учрашувда “темирйўлчилар” рақиби муборакликларни 3-1 ҳисобида мағлуб этганлар. Голларни Сервер Жепаров, Сардор Мирзаев ва Темурхўжа Абдуҳолиқовлар киритган. Ягона жавоб тўпини Шахзод Шайманов учрашув сўнгида киритишга муваффақ бўлган.

Ўзбекистон Кубоги. ¼ финал
Биринчи учрашув.
“Машъал” (Муборак) – “Локомотив” (Тошкент)
5 июль 2016. Муборак.
Баҳром Вафоев номидаги стадион. 19:00

Ўзбекистон кубоги. ¼ финал. “Темирйўлчилар” дастлабки учрашувни Муборакда ўтказадилар