Улуғбек Бакаевнинг ўрнини эгаллаган Александр Хомяков "Бухоро"ни Ўзбекистон Кубоги финали сари етаклади.
Ўтган мавсум "Андижон" билан Ўзбекистон Кубоги соҳиби бўлган мутахассисда кетма-кет иккинчи маротаба мазкур турнирда ғолиб чиқиш имконияти мавжуд.
Александр Хомяков бу натижа орқали Миржалол Қосимов, Тачмурад Агамурадов, Равшан Ҳайдаров, Рўзиқул Бердиев, Шота Арвеладзе, Андрей Микляев каби мутахассислар қаторидан жой олиши мумкин, чунки бу мураббийлар ишлаган клубларида кетма-кет 2 ва ундан кўп маротаба Кубокда зафар қучишган.
