Ушбу меҳмонхона Аланья шаҳрининг Сиде туманида жойлашган. Биз эса Окуржалар туманидаги "Holiday Park Hotel"га жойлашганмиз. Терма жамоа ва биз жойлашган меҳмонхоналар орасидаги масофа - 28 км. Терма жамоа Аланьяга етиб келгани ҳақида аввалроқ хабар берган эдик. Қуйида эса тўлиқ суратларни эътиборингизга ҳавола этамиз.

Маълумот учун Эктор Купер бугуннинг ўзидаёқ машғулот ўтказишга қарор қилди. Бош жамоамиз машғулоти махаллий вақт билан 22:00 (Тошкент вақти билан 00:00)да бошланади. Терма жамоамизни кутиб олгач яна дарҳол ортга қайтган эдик. Энди эса ўқувчиларимиз учун тўлиқроқ маълумот ва кўпроқ расмларни тақдим этиб яна Сиде тумани сари йўлга чиқамиз. Шу сабаб бугунги кун ва терма жамоамизнинг етиб келиши борасида тўлиқ тўхталиб ўтиш учун вақтимиз етарли эмас. Насиб қилса машғулотдан қайтганимиздан сўнг кундалик ёзиб эътиборингизга ҳавола этамиз.

Шошилганча терма жамоа машғулотига кетаяпмиз. Қайтгач машғулот суратлари ва кундаликни ўқувчиларимизга тақдим этамиз.

Толибжон Қосимов, Жаҳонгир Файзуллаев

Аланья, Туркия

Ўзбекистон МТЖ делегацияси Туркияда, Купер бугуннинг ўзида машғулот ўтказади