Умуман олганда бу ўйин икки қўшни мамлакат учун биринчиси ҳисобланмайди. Катта ёшли футбол мухлислари улар билан кечган аввалги баҳсларни жуда яхши эслашлари турган гап. Келинг, бугун бўлиб ўтадиган учрашувдан олдин ўзаро кечган беллашувларни яна бир ёдга оламиз.

Марказий Осиё мамлакатлари 1992 йил шу номда кичик мусобақа ташкил қилишди. Марказий Осиё кубогининг учинчи турида вакилларимиз Алматада Қозоғистон меҳмони бўлган. Муросасиз кечган учрашувда 25-дақиқада Руслан Дузмамбетовнинг урган ягона голи мезбонларга ғалаба келтирган. Тошкентдаги жавоб ўйини ҳам қизиқарли кечганини айтиш мумкин. Дастлаб яна Руслан Дузмамбетов 16-дақиқада ҳисобни очган бўлса, 27-дақиқада Азамат Абдураимов мувозанатни тиклайди. Ҳужумчимиз 73-дақиқада ҳисобда олдинга олиб чиқиши мумкин эди. Бироқ у рақиб дарвозаси томон белгиланган пенальтини амалга оширишда хатога йўл қўяди.

Марказий Осиё кубоги.

Қозоғистон - Ўзбекистон 1:0

1992.07.16. Алмата, "Марказий Стадион". 1000 томошабин.

Бош ҳакам: Валерий Урунов (Тожикистон)

Гол: Руслан Дузмамбетов

Ўзбекистон - Қозоғистон 1:1

1992.10.14. Тошкент, "Пахтакор" стадиони. 35 000 томошабин.

Бош ҳакам: Абдугани Ражапов (Қирғиз Республикаси)

Голларо: Руслане Дузмамбетов 16, Азамат Абдураимов 27

Ноаниқ амалга оширилган пенальти: Азамат Абдураимов 7

Кейинги тўқнашув орадан 2 йил ўтиб юз берган. 1994 йилнинг апрель ойида яна ўша қўшниларимиз билан "Мустақиллик Кубоги"да кўришдик. Бу сафар ҳамюртларимиз реванш олишни уддасидан чиқишди. 77-дақиқада Александр Тихонов 11 метрлик нуқтадан тўпни дарвозага йўллашда адашгани йўқ. Амалда бу ғалаба голи сифатида қайд этилди.

"Мустақиллик кубоги"

Ўзбекистон - Қозоғистон 1:0

13.04.1994. Тошкент, "Пахтакор" стадиони. 45 000 томошабин.

Бош ҳакам: Абдураим Бобоев (Тожикистон)

Гол: Александр Тихонов 77 (пенальти)

Қозоғистон билан эндиликда Жаҳон чемпионати саралаш босқичида йўлларимиз кесишди. Финал раундигача катта қийинчиликка учрамаган терма жамоамиз мундиал йўлланмаси учун Осиёда ўша пайтда ҳам гигант ҳисобланган Япония, Жанубий Корея, БАА ва қўшни Қозоғистон қаршилигини енгиш керак эди. Аммо охирги икки турга келиб имкониятларини кескин пасайтириб юборган терма жамоамизда бош мураббий ўзгаради. Биринчи ўйинда Рустам Мирсодиқов бошчилигида меҳмонда дуранг қайд этган бўлсак, жавоб беллашувида Вейга Да Силва мураббийлигида 4:0 ҳисобида ғалаба қозонганмиз.

ЖЧ-1998 саралаш босқичи. Финал раунди.

Қозоғистон - Ўзбекистон 1:1

20.09.1997. Алмата, "Марказий Стадион" 12 000 томошабин

Бош ҳакам: Аҳмад Набил (Ливан)

Голлар: Руслан Балтиев 85 (пенальти), Олег Шацких 86

ЖЧ-1998 саралаш босқичи. Финал раунди.

Ўзбекистон - Қозоғистон 4:0

25.10.1997. Тошкент, "Пахтакор" стадиони 25 томошабин

Бош ҳакам: Ҳасан Ал Агмий (Уммон)

Голлар: Игорь Шквирин 16,32, Андрей Фёдоров 43 (пенальти), Миржалол Қосимов 72

Орадан 10 йил ўтиб жамоалар Қозоғистонда ташкил қилинган, ўзига яраша шов-шувларни келтириб чиқарган Алма-ТВ ўртоқлик турнирида майдонга чиқишди. Бу мусобақа ҳақида узоқ гапириш мумкин. Яхшиси буни қуйидаги ҳаволага кириб батафсил танишинг. Унда барчаси аниқ келтирилган.

Қирғизистонлик ҳакамдан озарбайжонлик яхши ёхуд Алма-ТВ Кубоги нега анъанавий мусобақага айланмади?

Статистикага кўра, икки мамлакат бош жамоалари ўзаро 6 маротаба ўйин ўтказишган. Бугун еттинчи баҳс кимнинг фойдасига ҳал бўлади, буни вақт кўрсатади. Барчага ёқимли томоша тилаймиз,

Ўзбекистон-Қозоғистон. Ўзаро кечган 6та учрашув ҳақида