Томонларнинг келишувига кўра, мазкур учрашувда ҳар икки жамоанинг 1996-1997 йилларда таваллуд топган (ёки ундан кичик бўлган) футболчилари иштирок этади.

Шу ўринда ўйинга алоқадор эксклюзив маълумотни келтиришни лозим топдик. Олмалиқда ўтказиладиган ўйинга россиялик ҳамкасбларимиз ташриф буюришади. Мазкур ташриф “Sport” телеканали билан ҳамкорликда амалга ошириляпти.

Юртимизга телетрансляция оламида ўз ўрнига эга бўлган Век XXL телевизион компанияси вакиллари келишмоқда. 1992 йили Москва шаҳрида асос солинган ушбу компанияга Юрий Дмитриев раҳбарлик қиляпти. Айнан шу инсон раҳбарлигидаги делегация бугун Тошкентга етиб келиши керак.

Телевизион трансляцияларнинг техник ва ташкилий масалаларига ёрдам бериб келаётган ушбу компания мана бир неча йидирки, Россия ва Европа телекоммуникация бозорида етакчилик қилмоқда.

“Век XXL” компанияси паркида кўплаб HD форматдаги КТС (кўчма телевизион студия), 8, 12, 16, 32 та камерадан иборат КАМАЗ-Ajokki, Mercedes Atego, Mercedes ACTROS 1841 LX 4x2 КТСлар мавжуд.

“Век XXL” Россия ва МДҲ мамлакаларига нуфузли тадбирларнинг тўғридан-тўғри трансляциясини амалга оширган:

- Иккинчи Жаҳон урушидаги ғалабанинг 60-йиллиги (Москва, 2005);

- Иккинчи Жаҳон урушидаги ғалабанинг 70-йиллиги (Москва, 2015);

- “Катта Саккизлик”ка аъзо мамлакатларнинг йиғилиши (Санкт-Петербург, 2006);

- Енгил атлетика бўйича Жаҳон чемпионатлари (2005-йилдан то шу кунгача);

- Гандбол бўйича Жаҳон чемпионати (2005-йилдан то шу кунгача);

- Баскетбол бўйича Евролига баҳслари. Финал 4 (2005-йилдан то шу кунгача);

- УЕФА Кубоги ва Чемпионлар лигаси (2005-йилдан то шу кунгача);

- Хоккей бўйича Жаҳон чемпионатлари (2006-йилдан то шу кунгача);

- Евро-2008 доирасидаги ўйинлар: Россия - Хорватия, Россия - Исроил, Россия - Эстония; Евро-2012 ҳамда Евро-2016 доирасидаги учрашувлар;

- Бундан ташқари, турли ёш тоифасидаги Жаҳон ва Европа чемпионатлари;

- Пол Маккартнинг Москвадаги концерти;

Ўзбекистон - Россия. Ўйинга россиялик ҳамкасбларимиз ташриф буюришади