Маълумот ўрнида, бугун бўлиб ўтадиган баҳс иккала терма жамоа учун ҳисоб бўйича ўзаро 10-ўйин бўлади. Бунгача терма жамоалар ўзаро 9 маротаба ўзаро куч синашган ва унга кўра устунлик Саудия Арабистони терма жамоаси тарафида. Ўтказилган 9та ўйиннинг 5тасида Саудия Арабистони терма жамоаси ғалаба қозонган бўлса, 3 маротаба Ўзбекистон Саудия Арабистони устидан ғалабага қозонган. Яна бир учрашувда эса дуранг қайд этилган. Тўплар нисбати Саудия Арабистони фойдасига - 20:10.

Ўзбекистон терма жамоаси Осиё Кубоги баҳсларида Саудия Арабистони билан ўзаро уч маротаба баҳс олиб борган ва уларнинг иккитасида Саудия Арабистони ғалаба қозонган бўлса, бир учрашувда Ўзбекистон ғалаба қозонган.

Ўзбекистон ва Саудия Арабистони терма жамоаларининг Осиё Кубоги баҳсларидаги ўзаро ўйинлари:

Осиё Кубоги-2000.
Гуруҳ босқичи.
Саудия Арабистони - Ўзбекистон 5:0.

Осиё Кубоги-2004.
Гуруҳ босқичи.
Саудия Арабистони - Ўзбекистон 0:1.

Осиё Кубоги-2007
Чорак финал
Саудия Арабистони - Ўзбекистон 2:1.

Осиё Кубоги баҳсларидаги иштироклари борасида эса Саудия Арабистони терма жамоаси анча яхши кўрсатгичга эга. Саудия Арабистони терма жамоаси 1984 йилги мусобақадан бери мунтазам равишда Осиё Кубоги баҳсларида иштирок этиб келади ва Австралиядаги мусобақа саудияликлар учун ҳисоб бўйича кетма-кет 10-мусобақа ҳисобланади. Саудия Арабистони терма жамоаси шунингдек, Осиё Кубокларидаги иштироки борасида Осиёнинг энг яхши жамоаларидан бири ҳисобланади. Шу пайтгача Саудия Арабистони терма жамоаси уч маротада Осиё Кубогида ғалаба қозонган.

Ўзбекистон терма жамоаси 2011 йили Қатарда ўтказилган мусобақада тўртинчи ўринни эгаллаб мусобақа тарихидаги энг яхши натижасини қайд этган.

Ўзбекистон терма жамоа учун мазкур мусобақа ҳисоб бўйича олтинчиси саналади. Ўзбекистон терма жамоаси 2011 йили Қатарда ўтказилган мусобақада тўртинчи ўринни эгаллаб мусобақа тарихидаги энг яхши натижасини қайд этган.

Осиё Кубоги-2015. B гуруҳи, 3-тур.
18 январь. Мельбурн. Тошкент вақти билан соат 14:00.
Ўзбекистон - Саудия Арабистони
Бош ҳакам: Бенжамин Уильямс (Австралия)
Қанот ҳакамлари: Мэтью Крим (Австралия),Пол Сетранголо (Австралия)
Захира ҳаками: Умар Али Ал Жунайбий (БАА)
Назоратчи: Хани Баллан (Қатар)

Ўзбекистон - Саудия Арабистони: Превью