Жамоа сардори Мўминхон Баҳодирхонов учрашув олдидан ўз фикрларини билдириб ўтди.
«Турнирнинг очилиш учрашуви бўлгани сабабли Таиландга қарши ўйинда жамоамизда бироз ҳаяжон сезилди. Бироқ тезкор киритилган голлар ўзимизга бўлган ишончни оширди. Кўплаб ўртоқлик ўйинлари ва халқаро турнирларда иштирок этганмиз, аммо расмий беллашувлар бутунлай бошқа руҳда ўтади.
Энди биринчи ғалабамиз ортда қолди. Бор эътиборимизни Хитойга қарши иккинчи тур учрашувига қаратамиз. Дастлабки мақсадимиз — Жаҳон чемпионатига йўл олиш. Бу йўлда Хитой билан ўйин ҳал қилувчи аҳамиятга эга бўлади.
Мураббийларимиз таъкидлаганидек, сифатли ўйин кўрсатиб, фақат ғалаба учун майдонга тушамиз. Худо хоҳласа, футбол мухлисларини қувонтирадиган натижа билан юртимизга қайтамиз».
Эслатиб ўтамиз, «А» гуруҳидан ўрин олган Хитой — Ўзбекистон учрашуви бугун Тошкент вақти билан соат 20:00да Тоиф шаҳридаги «Оказ» стадионида старт олади.
Изоҳлар