Осиё кубоги фақат Осиё қитъаси мамлакатларининг иштирокини англатмайди. Бу очиқ қитъа турнири бўлиб, унда Люксембург, Польша, Чехия, Япония, АҚШ ва Швейцария спортчилари иштирок этишди. Бундан ташқари, Elite тоифаси энг кучли триатлончиларнинг иштирокини назарда тутади, бу эса бўлиб ўтган тадбирни жуда ажойиб бўлишида кўмак берди.

Спортчиларнинг тоифалардаги умумий сони
Elite Men – 23 нафар иштирокчи
Elite Women – 10 нафар иштирокчи

"Elite Women" тоифасида биринчи ўринни польшалик спортчи Паулина Климас 01:01:16 якуний натижаси билан эгаллади.

Кумушни Люксембурглик иштирокчи Ева Дэниэлс 01:01:44 ҳисобида қўлга киритди. Кучли учликни Швейцариялик иштирокчи Лиза Бергер 01:02:42 якуний вақт билан якунлади.
Уч нафар ғолиблар рўйхатини марокашлик спортчи Бадр Сиван якуний натижа 55:32 билан очиб берди. Иккинчи ўринни польшалик спортчи Макиеш Бруздзяк 55:36 натижаси билан эгаллади.

Осиё Кубогида 55:41 натижаси билан украиналик Виталий Воронцов бронзага эга бўлди.

Мусобақанинг иккинчи куни - 10 октябрь кунида, "Asia Sprint Triathlon Cup" доирасида профессионал спортчилар ва ҳаваскорлар ўртасида триатлон бўйича Ўзбекистон Кубоги бўлиб ўтди.

Триатлон бўйича Ўзбекистон Кубогида турли ёш тоифасидаги 13 та вилоят спортчилари иштирок этишди.

Об -ҳаво шароити туфайли профессионал спортчилар Дуатлон спринт масофасида беллашдилар: югуриш - 2,5 км / велосипед - 20 км / 5 км.
AGE тоифасидаги спортчилар триатлон бўйича спринт масофасининг уч босқичидан ўтдилар: сузиш - 750 м / велосипед - 20 км / югуриш - 5 км.

Таъкидлаш жоизки, Asian Sprint Triathlon Cup Ўзбекистонда илк бора хорижий техник делегат ва халқаро ҳакамлар кўмагида халқаро стандартларга мувофиқ очиқ мусобақаси ўтказилди.

Ўзбекистонда илк бора "Asia Sprint Triathlon Cup" мусобақаси бўлиб ўтди