Пако Роч 2023 йил "Месталья"да содир бўлган воқеани эсга олди. Ўшанда "Валенсия" мухлислари Винисиус Жуниорни ҳақорат қилиб, уни "маймун" дейишган ва баҳс 8 дақиқага тўхтаб қолган эди.

"У "Месталья"даги панжарани ошиб тушиб, шундай деган: "Сен мени фоҳишани боласи дединг". Ўша куни ўғлим ва неварам билан стадионда эдим. Овозларга тушунмай, неварамга савол бердим: "Альфонсито, улар нима деб бақиришяпти?. У "Улар Винисиусни аҳмоқ дейишяпти" дея жавоб берди. Мухлислар Винисиусни маймун деб аташибди деб ўйлабман. Аммо йўқ. Кейин 40 ёшли ўғлимдан ҳам мухлислар нима деб бақираётганини сўрадим. У ҳам "аҳмоқ" дея жавоб берди.

Винисиус ишқибозларга яқин келиб, қандайдир ишоралар билан шундай деди: "Сиз иккинчи дивизионга учиб кетасиз". Кейин унинг қизил карточкасини бекор қилишди, бу нима деган гап? Кейин стадионнинг икки ёки уч трибунасини бир нечта ўйинга ёпиб қўйишди, уни эса кечириб юборишди.

Балки у яхши футболчидир, мен ҳам шу фикрдаман, аммо у... Инсон сифатида у бир уюм ахлат. Доим ҳакамларга эътироз билдиради. Мен 20 ёки 30 марта Жанубий Америкада бўлганман ва мен билан ҳеч қачон бунақаси бўлмаган. Жанубий Америкага бориб одамлар билан камтарона суҳбат қурганман" - деди Пако Роч.

Пако Роч: "Винисиус яхши футболчидир, аммо инсон сифатида бир уюм ахлат"