- Ўйин ҳақидаги фикрларингиз...
- Мағлуб бўлдик ва табиийки бундан хурсанд эмасмиз. Фикримча биз ёмон ўйнамадик, айниқса биринчи бўлимда. Биз Эрон жуда жиддий рақиб эканлигидан хабардор эдик ва шу сабабли биз кўпроқ қарши ҳужумларга таянган ҳолда ўйин олиб бордик.
- Венесуэлага қарши кечадиган учинчи тур баҳси ҳақида тўхталиб ўтсангиз...
- Иккита кучли рақиб билан тўқнаш келдик, энди навбат учинчи рақибга. Бизда гуруҳдан чиқиш имкониятлари сақланиб қолган. Кейинги босқич йўлланмасини қўлга киритиш учун жанг қилишга тайёрмиз.
- Гватемала терма жамоаси сафида Ўзбекистонга бир неча маротаба ташриф буюрдингиз. Ўзбекистон Жаҳон чемпионатини қандай ўтказяпти?
- Ўзбекистон бизни илиқ кутиб олди. Барча шароитлар яратиб берилган ва ташкилий масалалар бўйича ҳеч қандай эътироз йўқ. Ўзбекистон мундиални аъло даражада ўтказмоқда деб ўйлайман. Биз учун дунёнинг бошқа бир қисмида ўтказилаётган Жаҳон чемпионатида иштирок этиш катта тажриба бўлади.
Абдулвосит Бектемиров суҳбатлашди
Изоҳлар