ЎФА Фахрийлар кенгаши раиси, ЎФА Ижроия қўмитаси аъзоси, Мураббийлар кенгаши аъзоси, “Ўзбекистон Республикасида хизмат кўрсатган ёшлар мураббийси” Тўлаган Исоқовнинг вафоти муносабати билан марҳумнинг оила аъзолари ва яқинларига чуқур ҳамдардлик билдирамиз.

Ўзбек футболи жонкуяри, фидоий Тўлаган Исоқов ўз умрини футболга бағишлаган. У футболчи сифатида “Пахтакор” жамоаси шарафини 13 мавсум давомида муносиб ҳимоя қилган, 252 та ўйинда майдонга тушиб, 52 та гол киритишга муваффақ бўлган.

Мураббийлик фаолияти давомида “Пахтакор”, “Зарафшон” ва “Сурхон” жамоаларини бошқарган, шунингдек, сўнгги йилларда ЎФА Фахрийлар кенгашига раҳбарлик қилиб, мамлакатимизда футболнинг оммалашиши ва ривожланишига, бир сўз билан айтганда, футболнинг ҳар бир жабҳасида ўзининг муносиб ҳиссасини қўшган етук мутахассис эди. Ёш авлодни Ватанга муҳаббат ва спортга садоқат билан етишиб чиқиши йўлида фидокорона хизмат қилган.

Жаноза бугун, 8 ноябрь куни асрда Кўкча масжидида бўлиб ўтади.

"Пахтакор" афсонаси, собиқ футболчиси Тўлаган Исоқов вафот этди