Шундан кейин "Пахтакор" раҳбарияти ва жамоанинг собиқ сардори ўртасида низоли ҳолат юзага келди. Аниқроғи, клубдан 2021 йилги мавсум учун олиши керак бўлган мукофот пулларини ололмаган 30 ёшли ҳимоячи ўз ҳақини ҳуқуқий йўл билан ундиришга ҳаракат қилди. Бунда Кримецнинг манфаатларини "Sila" компанияси юристи Михаил Прокопец ҳимоя қилди (Мазкур ҳуқуқшунос олдинроқ "Навбаҳор" билан рўй берган можарода Канчельскис ва Беленковнинг вакили сифатида қатнашган эди).

Гап тахминан 3 млрд сўм ҳақида кетмоқда. Бу иш Футболчиларнинг ўтиши ва мақоми бўйича қўмитада бир неча бор кўриб чиқилган. Бизга маълум бўлишича, "Пахтакор" яқинда ҳимоячи билан тинчлик битими имзолашга эришган. Низони ҳал қилиш учун Кримецга қанча маблағ тўлангани ҳозирча маълум эмас.

Ўтган йилнинг 18 июнида эълон қилинган материалда Егор Кримецнинг йиллик маоши 153 млн экани айтилган. Бундан ташқари, унинг шартномасида 4 млрд сўмдан ошиқроқ мукофот пули белгиланган. Бу маблағ ҳомийлар ҳисобидан қопланади (Кримец "шерлар" таркибида Эрен Дердийокдан кейин энг кўп пул тўланадиган футболчи эди).

Маълумот учун, Егор "Пахтакор" тарбияланувчиси ҳисобланади. У 2019 йилда жамоанинг асосий сардори этиб тайинланган эди.

мутолаа учун: "Пахтакор" ҳимояси абгор бўлди. Нега?

"Пахтакор" билан Кримец ўртасида қандай муаммо юз берди?