Бунинг учун "Пахтакор" Тошкентда "Қизилқум" устидан зафар қучиши ва "Сўғдиёна" Жиззахда "Қўқон-1912"ни енголмаслиги керак.

Гап шундаки, айни пайтда "Сўғдиёна" ва "Пахтакор" орасидаги тафовут 12 баллни ташкил қилмоқда. 22-турдан кейин "шерлар"нинг очколари сони 54 тага етгани ҳолда Бақоев жамоаси 40 лик довондан ошолмаса, пойтахт клуби чемпионликни расмийлаштиради. Чунки "Пахтакор" чемпионат охиригача бўлган 4 турнинг (12 очко беради) барчасида енгилса ҳам, "Сўғдиёна" 14 баллик фарқни йўққа чиқаролмайди. Бу ҳолатда фақат "Насаф"гина очколар бўйича "Пахтакор"га етиб олиши мумкин. Аммо ўзаро ўйинлардаги устунлик "шерлар" томонида.

Шунингдек, Тошкент клуби дуранг ўйнаб ҳам чемпионга айланиши мумкин. Бунинг учун "Қўқон-1912" Жиззахдаги ўйинни ютиши керак. Кўрамиз, ўтган турда "Пахтакор"ни таслим қилган Бахтиёр Ашурматов шогирдлари бугун "Сўғдиёна"ни ҳам енга олармикан.

Маълумот учун, "шерлар" 2020 йилда чемпионликни 23-турда расмийлаштиришган эди (59 очко билан, мусобақа якунида 65 очко ишлаган). 2019 йилги мавсумда эса Шота Арвеладзе 20-турнинг ўзида масалани ҳал қилган (56 очко билан, мусобақа якунида 69 очко ишлаган).

Нима деб ўйлайсиз, "Пахтакор" бугун 14-бор мамлакат чемпионига айланадими?

Суперлига. "Капитан"дан дебют гол

"Пахтакор" бугун чемпионликни расмийлаштирадими?