Бугунги кунга келиб жамоалар ўртасидаги рақобат ниҳоятда юқори даражага чиққан. Ҳеч бир баҳс осон ўтаётгани йўқ. Лекин тарихда жамоалар ўртасидаги учрашувларда кўпинча бир томон фаворит сифатида ҳаракат қилар, ҳисоблар ҳам шунга яраша кўриниш олар эди. Жамоалар тарихидаги энг йирик ҳисоб 2009 йилги мавсумда қайд этилган бўлиб, унда "шерлар" ўз майдонида рақибига жавобсиз 7та гол урган. Александр Гейнрих хет-трикка эришган бўлса, Одил Аҳмедов дубль қайд этган. Яна икки голга Фарҳод Тожиев ва Ғулом Урунов муаллифлик қилганини айтиш жоиз.
Суперлига-2009. 26-тур.
ПАХТАКОР - НАВБАҲОР 7:0
Тошкент. "Пахтакор" стадиони, 2521 томошабин.
Бош ҳакам: Рустам Саидов
Голлар: Александр Гейнрих 4,42,48, Одил Аҳмедов 24, 62, Ғулом Урунов 66, Фарҳод Тожиев 75 (пенальти)
"Пахтакор": Эркин Жабборов, Ғулом Урунов (Алишер Азизов, 68), Мурод Холмуҳаммедов, Боян Миладинович, Акмал Холматов, Александр Гейнрих, Илдар Магдеев (Милан Николич, 46), Камолиддин Тожиев, Одил Аҳмедов, Рўзимбой Аҳмедов (Фарҳод Тожиев, 58), Илҳом Суюнов
"Навбаҳор": Ботир Носиров, Юрий Шеленьков, Владислав Кирьян, Отабек Пирматов, Дилшод Жабборов, Тимур Султанов, Баҳром Юлдашев (Искандер Нарзуллаев, 46), Илҳом Бойдедаев (Ғайрат Жўраев, 78), Элмурод Низомбоев (Абдулазиз Султонов, 46), Носир Отақўзиев, Алишер Маҳмудов
•“Навбаҳор”нинг 2009 йилги таркиби аъзолари.
Тепа қатор (чапдан ўнгга): Дилшод Жабборов, Раҳматулло Бердимуродов, Дидар Ҳожиев, Юрий Шеленков, Байрамниёз Бердиев.
Пастки қатор: Гуванчмуҳаммад Овеков, Максим Белих, Владислав Кирьян, Акмал Рисқуллаев, Мухтор Фозилов, Носир Отақўзиев.
• Ўша мавсумда "Навбаҳор"ни икки нафар мураббий бошқарган. Мустафо Байрамов ва Сергей Ковшов.
• Мавсум охирида жамоа турнир жадвалида 16та клуб орасида 14-ўринни эгаллаган. Кубок баҳсларида иштирокини "Пахтакор"га (0:3) мағлуб бўлиб 1/8 финалда якунлаган.
• "Пахтакор" эса мавсумни Виктор Жалилов бошчилигида ўтказган. Суперлига турнир жадвалида 2 поғонанини эгаллаб, кубок финалида Ривадоси бор, Сколари устоз "Бунёдкор"ни мағлуб этиб бош совринга эга чиққан.
Изоҳлар